దాశరథి రంగాచార్య (Dasarathi Rangacharya)

దాశరథి రంగాచార్య జననం ఆగస్టు 24, 1928 స్వస్థలం చిన్నగూడూరు (మహబూబాబాదు జిల్లా) రంగం తెలంగాణ విమోచనోద్యమం, సాహితీవేత్త, అవార్డులు సాహిత్య అకాడమీ అవార్డు, మరణం జూన్ 8, 2015 ప్రముఖ సాహితీవేత్త మరియు తెలంగాణ విమోచనోద్యమ సమరయోధుడైన దాశరథి రంగాచార్య మహబూబాబాదు జిల్లా చిన్నగూడూరు గ్రామంలో ఆగస్టు 24, 1928న జన్మించారు. విద్యార్థి దశలోనే నిజాం ప్రభుత్వాన్ని ఎదిరించి జైలుకు వెళ్ళారు. హైదరాబాదు సంస్థానం భారత యూనియన్‌లో విలీనం తర్వాత ఉపాధ్యాయుడిగా, అనువాదకుడిగా పనిచేసి, సికింద్రాబాదు కార్పోరేషన్ డిప్యూటి కమీషనరు హోదాలో 1988లో పదవీవిరమణ పొందారు. పలు గ్రంథాలు రచించి సాహితీవేత్తగా పేరుపొందారు. ఆంధ్రప్రదేశ్ సాహిత్య అకాడమీ అవార్డుతో పాటు పలు పురస్కారాలు పొందిన రంగాచార్య "చిల్లర దేవుళ్ళు" నవల ద్వారా ప్రసిద్ధి చెందారు. తన ఆత్మకథను "జీవనయానం" పేరుతో రచించారు. 2015, జూన్ 8న రంగాచార్య మరణించారు. ప్రముఖ సాహితీవేత్త, సినీపాటల రచయిత దాశరథి కృష్ణమాచార్య ఈయన సోదరుడు. సాహితీ ప్రస్థానం: తెలంగాణ విమోచనోద్యమానికి ముందు నిజాం ఆగడాలను స్వయంగా చూసిన రంగాచార్య వీటిని గ్రంథస్తం చేయడానికి పూనుకున్న రచనే "చిల్లర దేవుళ్ళు". నిజాం కాలంలో అప్పటి ప్రజల దుర్భర స్థితిగతులను, దారుణమైన నానిస బతుకులను రంగాచార్య ఇందులో అక్షీకరించారు. సంస్థానం విలీనం తర్వాత ప్రజలు నిజాం దురాగతాలను మరిచిపోయి నిజాంను కీర్తిస్తారనే అనుమానంతో గ్రంథరచన చేసినట్లుగా రంగాచార్య చెప్పుకున్నారు. 1970లో ఈ గ్రంథానికి ఆంధ్రప్రదేశ్ సాహిత్య అకాడమీ అవార్డు లభించింది. హిందీ, ఆంగ్ల మరియు పలు ప్రాంతీయ భాషలలో ఈ గ్రంథం అనువదించబడింది. ఇదే పేరుతో తెలంగాణ యాసలో సినిమా కూడా విడుదలైంది. మోదుగుపూలు, జనపథం, రానున్నది ఏది నిజం, మానవత్వం, పావని తదితర గ్రంథాలే కాకుండా "జీవనయానం" పేరుతో తన ఆత్మకథను కూడా రచించారు. 2000లో వేదం ఆవిష్కరణ జరిగింది.  ఇవి కూడా చూడండి: తెలుగు సాహిత్యం || పరీక్షలలో వచ్చే అతిముఖ్యమైన ప్రశ్నలు (Youtube Video) చినగూడూరు మండలం,  చరిత్రలో ఈ రోజు (ఆగస్టు 24), చిల్లరదేవుళ్ళు (నవల), హోం, విభాగాలు: తెలంగాణ రచయితలు, మహబూబాబాదు జిల్లా ప్రముఖులు, 2015లో మరణించినవారు, సాహిత్య అకాడమీ అవార్డు గ్రహీతలు, తెలంగాణ విమోచనోద్యమం,  = = = = =