చక్రవర్తుల రాజగోపాలచారి (Chakravarthula Rajagopalachari)

చక్రవర్తుల రాజగోపాలచా జననం డిసెంబరు 10, 1878 రంగం స్వాతంత్ర్యోద్యమం, రాజకీయాలు, పదవులు ముఖ్యమంత్రి, గవర్నరు, గవర్నర్ జనరల్, కేంద్ర మంత్రి, మరణం డిసెంబరు 25, 1972 రాజాజీగా ప్రసిద్ధి చెందిన చక్రవర్తుల (లేదా చక్రవర్తి) రాజగోపాలాచారి స్వాతంత్ర్య సమరయోధుడు మరియు రాజకీయవేత్త. స్వతంత్ర భారతదేశపు గవర్నర్ జనరల్‌గా పనిచేసిన ఏకైన భారతీయుడైన రాజగోపాలచారి డిసెంబరు 10, 1878న ఇప్పటి తమిళనాడులో జన్మించారు. స్వాతంత్ర్యోద్యమంలో ఉంటూనే 1937లో సంయుక్త మద్రాసు రాష్ట్ర ముఖ్యమంత్రిగా ఎన్నికయ్యారు. స్వాతంత్ర్యానంతరం గవర్నరు జనరల్‌గా పదవి చేపట్టి రాజేంద్రప్రసాద్ రాష్ట్రపతిగా బాధ్యతలు చేపట్టేవరకు కొనసాగినారు. నెహ్రూ మంత్రివర్గంలో హోంశాఖ మంత్రిగా కూడా పనిచేసిన రాజాజీమహాభారతం గ్రంథానికి కేంద్ర సాహిత్య అకాడమీ అవార్డు పొందారు. డిసెంబరు 25, 1972న మరణించిన రాజాజీ 1954లో తొలిసారిగా భారతరత్న పురస్కారం పొందిన ముగ్గురిలో ఒకరు. రాజకీయ ప్రస్థానం: 1917లో సేలం పట్టణ వార్డు సభ్యునిగా రాజకీయ ప్రస్థానం ఆరంభించిన రాజాజీ ఆ వెంటనే సేలం పురపాలక సంఘం చైర్మెన్ పదవి పొందారు. భారతీయ జాతీయ కాంగ్రెస్ పార్టీలో చురుకుగా ఉంటూ 1923లో నాగ్పూర్‌లో జెండా సత్యాగ్రహం నిర్వహించారు. 1930లో మద్రాసు (ఇప్పటి చెన్నై)లో ఉప్పు సత్యాగ్రహానికి నాయకత్వం వహించారు. 1937లో మద్రాసు ప్రావిన్సు ఎన్నికలలో కాంగ్రెస్ పార్టీ విజయం సాధించడంతో ఈయనకు ముఖ్యమంత్రి పదవి లభించింది. దేశానికి స్వాతంత్ర్యం లభించిన తర్వాత 1947-48లో పశ్చిమబెంగాల్ గవర్నరుగా కొనసాగి, 1948లో గవర్నర్ జనరల్ పదవి పొంది జనవరి 26, 1950 వరకు బాధ్యతలు నిర్వహించారు. 1950 డిసెంబరులో సర్దార్ వల్లభ్ భాయి పటేల్ మరణం తర్వాత ఆయన నిర్వహిస్తున్న హోంశాఖను రాజాజీ చేపట్టారు. 1952లో ఉమ్మడి మద్రాసు రాష్ట్రానికి ముఖ్యమంత్రిగా పదవి చేపట్టారు. విభాగాలు: తమిళనాడు ప్రముఖులు, భారతరత్న పురస్కార గ్రహీతలు, తమిళనాడు ముఖ్యమంత్రులు, పశ్చిమబెంగాల్ గవర్నర్లు, కేంద్ర మంత్రులు, 1878లో జన్మించినవారు, 1972లో మరణించినవారు,  = = = = =