సోడె రామయ్య (Sode Ramaiah)

జననం జూలై 13, 1943 రంగం రాజకీయాలు పదవులు 3 సార్లు ఎంపి, ఖమ్మం జిల్లాకు చెందిన రాజకీయ నాయకుడైన సోడె రామయ్య జూలై 13, 1943 న కూనవరం మండలం కొండ్రాజుపేటలో జన్మించారు. కోయ గిరిజన తెగకు చెందిన ఈయన మెట్రిక్ వరకు అభ్యసించి కమ్యూనిస్టు పార్టీ తరఫున రాజకీయాలలో ప్రవేశించారు. సుధీర్ఘకాలం పాటు గ్రామ సర్పంచిగా పనిచేసి పంచాయతి సమితి అధ్యక్షులుగా, లోకసభ సభ్యుడిగా విజయం సాధించారు. రాజకీయ ప్రస్థానం: కమ్యూనిస్టు పార్టీ ద్వారా రాజకీయ ప్రవేశం చేసిన సోడె రామయ్య 1962లో స్వగ్రామం కొండ్రాజుపేట సర్పంచిగా తొలిసారి ఎన్నికై ఆ తర్వాత వరస విజయాలు సాధిస్తూ మొత్తం 19 సంవత్సరాలు పనిచేశారు. 1981లో కూనవరం పంచాయతి సమితి అధ్యక్షులుగా ఎన్నికైనారు. సర్పంచిగా ఉన్నప్పుడే 1967లో భద్రాచలం లోకసభ స్థానానికి కమ్యూనిస్టు పార్టీ తరఫున పోటీచేసి రాధాబాయి చేతిలో ఓడిపోయారు. 1977లో కూడా అదేస్థానం నుంచి పోటీచేసి మళ్ళీ రాధాబాయి చేతిలో పరాజయం పొందారు. 1984లో మిత్రపక్షాల అభ్యర్థిగా పోటీచేసిన సోడె రామయ్య తొలిసారి లోకసభకు ఎన్నికైనారు. 1989, 1991లలో మళ్ళీ లోకసభకు పోటీచేసి కర్రెద్దుల కమలకుమారి చేతిలో ఓడిపోగా 1996లో కమలకుమారిపై గెలుపొంది రెండవసారి లోకసభలో ప్రవేశించారు. 1998లో వరసగా రెండోసారి, మొత్తంపై మూడవసారి భద్రాచలం ఎంపి అయ్యారు. విభాగాలు: ఖమ్మం జిల్లా రాజకీయ నాయకులు, కూనవరం మండలం, 1943లో జన్మించినవారు, 8వ లోకసభ సభ్యులు, 11వ లోకసభ సభ్యులు, 12వ లోకసభ సభ్యులు,  = = = = =