బాల్కొండ అసెంబ్లీ నియోజకవర్గం (Balkonda Assembly Constituency)

బాల్కొండ అసెంబ్లీ నియోజకవర్గం నిజామాబాదు జిల్లాకు చెందిన 9 అసెంబ్లీ నియోజకవర్గాలలో ఒకటి. ఈ నియోజకవర్గ పరిధిలో 5 మండలాలు కలవు. ఈ అసెంబ్లీ సెగ్మెంట్ నిజామాబాదు లోకసభ నియోజకవర్గం పరిధిలోకి వస్తుంది. నియోజకవర్గ పరిధిలోని మండలాలు: 2009 నియోజకవర్గాల పునర్విభజన అనంతరం ఈ నియోజకవర్గం పరిధిలో 5 మండలాలు కలవు. బాల్కొండ ,  మోర్తాడ్,  వేల్పూర్,  కమ్మర్‌పల్లి,  భీంగల్, సంవత్సరం గెలుపొందిన సభ్యుడు పార్టీ ప్రత్యర్థి ప్రత్యర్థి పార్టీ 2009 ఎ.అనిల్ ప్రజారాజ్యం పార్టీ ఎస్.శ్రీనివాస్ రెడ్డి కాంగ్రెస్ పార్టీ 2014 వేముల ప్రశాంత్ రెడ్డి తెరాస కె.సురేష్ రెడ్డి కాంగ్రెస్ పార్టీ 2018 వేముల ప్రశాంత్ రెడ్డి తెరాస ముత్యాల సునీల్ కుమార్ బీఎస్పీ 2009 ఎన్నికలు: 2009లో జరిగిన ఎన్నికలలో ఈ నియోజకవర్గం నుంచిప్రజారాజ్యం పార్టీ అభ్యర్థి ఎ.అనిల్ తన సమీప ప్రత్యర్థి, కాంగ్రెస్ పార్టీ అభ్యర్థి, మాజీ మంత్రి శనిగరం సంతోష్ రెడ్డి కుమారుడైన శ్రీనివాస్ రెడ్డిపై 8118 ఓట్ల ఆధిక్యతతో విజయం సాధించారు. మహాకూటమి తరఫున పోటీచేసిన తెరాస అభ్యర్థి వేముల సురేందర్ మూడో స్థానంలో నిలిచారు. 2014 ఎన్నికలు: 2014 ఎన్నికలలో ఇక్కడి నుంచి తెరాసకు చెందిన వేముల ప్రశాంత్ రెడ్డి తన సమీప ప్రత్యర్థి, కాంగ్రెస్ పార్టీ అభ్యర్థి, శాసనసభ మాజీ స్పీకర్ అయిన కె.సురేష్ రెడ్డిపై 35898 ఓట్ల ఆధిక్యతతో విజయం సాధించి తొలిసారి శాసనసభలో ప్రవేశించారు. 2018 ఎన్నికలు: 2018 ఎన్నికలలో తెరాస తరఫున వేముల ప్రశాంత్ రెడ్డి, భాజపా తరఫున పి.రమాదేవి, జనకూటమి తరఫున కాంగ్రెస్ పార్టీకి చెందిన అనిల్ కుమార్ పోటీచేశారు. తెరాసకు చెందిన వేముల ప్రశాంత్ రెడ్డి తన సమీప ప్రత్యర్థి, బీఎస్పీకి చెందిన ముత్యాల సునీల్ కుమార్ పై 32408 ఓట్ల మెజారిటీతో విజయం సాధించారు. హోం, విభాగాలు: నిజామాబాదు జిల్లా అసెంబ్లీ నియోజకవర్గాలు, నిజామాబాదు లోకసభ నియోజకవర్గం, బాల్కొండ అసెంబ్లీ నియోజకవర్గం,    = = = = =