ఆంధ్ర విశ్వవిద్యాలయం (Andhra University)

ఆంధ్ర విశ్వవిద్యాలయం స్థాపన 1926 కేంద్రస్థానం విశాఖపట్టణం ఆంధ్ర విశ్వవిద్యాలయం 1926లో విశాఖపట్టణంలో నెలకొల్పబడింది. కట్టమంచి రామలింగారెడ్డి ఈ విశ్వవిద్యాలయం సంస్థాపక ఉపకులపతిగా వ్యవహరించగా, సర్వేపల్లి రాధాకృష్ణన్ రెండవ ఉపకులపతిగా పనిచేశారు. ప్రారంభంలో తెలుగు సాహిత్యం, ఆర్థికశాస్త్రం చరిత్ర, రాజకీనిశాస్త్రంలలో పిజి కోర్సులు ప్రారంభించారు. ఆ తర్వాత క్రమక్రమంగా కోర్సులు పెంచబడి ప్రస్తుతం 313 కోర్సులను ఈ విశ్వవిద్యాలయం నిర్వహిస్తోంది. 2002లో నాక్‌చే ప్రశంసలు పొందింది. విశ్వవిద్యాలయం పరిధిలో 5200 పైగా విద్యార్థులు అభ్యసిస్తుండగా బాలుర కొరకు 23 హాస్టళ్లు, బాలికల కోసం 10, విదేశీ విద్యార్థుల కోసం 2 హాస్టళ్ల వసతి కల్పించబడింది. పిజి కోర్సులు, దూరవిద్య కలిపి మొత్తం 80వేల విద్యార్థులు విశ్వవిద్యాలయం పరిధిలో ఉన్నారు. విశ్వవిద్యాలయానికి విశాఖపట్టణం వెలుపల కూడా పోస్టు గ్రాడ్యుయేటు విద్య అవసరాలను తీర్చడానికి శ్రీకాకుళం, తూర్పు గోదావరి, పశ్చిమ గోదావరి, విజయనగరం జిల్లాలలో పోస్టు గ్రాడ్యుయేటు కేంద్రాలు కూడా ఏర్పాటు చేశారు. శ్రీకాకుళం జిల్లాలో ఎచ్చెర్ల లోను, తూర్పు గోదావరి జిల్లాలో కాకినాడ లోను, పశ్చిమగోదావరి జిల్లాలో తాడేపల్లిగూడెం లోను, విజయనగరం జిల్లా లో విజయనగరం లోను ఆ కేంద్రాలు ఉండేవి. కాని 2006 లో రాజమండ్రిలో ఆదికవి నన్నయ విశ్వ విద్యాలయము ను ఏర్పాటు చేసి దాని పరిధి లోనికి తూర్పు, పశ్చిమ గోదావరి జిల్లాలలోని కళాశాలలను తెచ్చారు. విద్యా సాహిత్య సాంస్కృతిక విషయాలలో విశేషమైన కృషి చేసిన వారికి ఆంధ్ర విశ్వవిద్యాలయం కళాప్రపూర్ణ గౌరవ డాక్టరేట్ ప్రధానం చేస్తుంది.రము. విభాగాలు: ఆంధ్రప్రదేశ్ విశ్వవిద్యాలయాలు, విశాఖపట్టణం, 1926 స్థాపనలు,  = = = = =