ఎన్.డి.తివారి (N.D.Tiwari)

ఎన్.డి.తివారి జననం అక్టోబరు 18, 1925 రంగం రాజకీయాలు నిర్వహించిన పదవులు రెండు రాష్ట్రాలకు (4 సార్లు) ముఖ్యమంత్రి, కేంద్రమంత్రి, గవర్నరు, ప్రముఖ రాజకీయ నాయకుడైన నారాయణ్ దత్ తివారి అక్టోబరు 18, 1925న ఇప్పటి ఉత్తరాఖండ్ రాష్ట్రంలోని బాలుటి గ్రామంలో జన్మించారు. ప్రారంభంలో అటవీశాఖలో ఉద్యోగం చేసి జాతీయోద్యమంలో ప్రవేశించారు. క్విట్ ఇండియా ఉద్యమ సమయంలో అరెస్ట్ అయి 15 మాసాలు జైల్లో గడిపారు. స్వాతంత్ర్యానంతరం 3 సార్లు ఉత్తరప్రదేశ్ రాష్ట్ర ముఖ్యమంత్రిగా, ఉత్తరాఖండ్ ముఖ్యమంత్రిగా, కేంద్రమంత్రిగా, ఆంధ్రప్రదేశ్ గవర్నరుగా పనిచేశారు. ఆంధ్రప్రదేశ్ గవర్నరుగా ఉన్నప్పుడు సెక్సు కుంభకోనం బయటపడి బలవంతంగా పదవిని వదులుకోవాల్సి వచ్చింది. 2014లో దాదాపు 90 సంవత్సరాల వయస్సులో ఉజ్వలాశర్మను వివాహం చేసుకున్నారు. రాజకీయ ప్రస్థానం: స్వాతంత్ర్యానంతరం జరిగిన ఉత్తరప్రదేశ్ తొలి శాసనసభ ఎన్నికలలో నైనిటాల్ నుంచి పోటీచేసి ఎమ్మెల్యే అయ్యారు. 1963లో రాష్ట్రమంత్రి పదవి లభించింది. 1976లో తొలిసారిగా ఉత్తరప్రదేశ్ ముఖ్యమంత్రి పదవి పొంది 1977 ఏప్రిల్ వరకు పదవిలో ఉన్నారు. 1980లో లోకసభకు ఎన్నికై కేంద్రమంత్రిపదవి పొందారు. ప్రణాళిక సంఘం డిప్యూటి చైర్మెన్‌గా కూడా బాధ్యతలు నిర్వహించారు. 1984లో రెండో పర్యాయం, 1988లో మూడో పర్యాయం  ముఖ్యమంత్రి పదవి పొంది ఏడాది చొప్పున పనిచేశారు. 1985-88 కాలంలో రాజ్యసభ సభ్యుడిగాఉంటూ కేంద్రమంత్రిపదవి నిర్వహించారు. 1994లో కాంగ్రెస్ పార్టీకి రాజీనామా చేసి 1995లో అర్జున్‌సింగ్‌తో కలిసి ఆలిండియా కాంగ్రెస్ (తివారి)ని స్థాపించారు. రెండేళ్ళకు మళ్ళీ కాంగ్రెస్ పార్టీలో చేరి 1996, 1999లలో లోకసభకు ఎన్నికైనారు. ఉత్తరాఖండ్ రాష్ట్రం అవతరణ తర్వాత ఆ రాష్ట్రానికి ముఖ్యమంత్రిగా 2002 నుంచి ఐదేళ్ళు పాలించారు. 2007లో ఆంధ్రప్రదేశ్ గవర్నరుగా నియామకం పొంది 2009 డిసెంబరులో సెక్స్ కుంభకోణం బయటపడటంతో పదవి వదులుకోవాల్సి వచ్చింది.   విభాగాలు: ఉత్తరప్రదేశ్ ముఖ్యమంత్రులు, ఉత్తరాఖండ్ ముఖ్యమంత్రులు, కేంద్రమంత్రులు, ఆంధ్రప్రదేశ్ గవర్నర్లు, కేంద్ర ఆర్థికమంత్రులు,  = = = = =