పట్టిసీమ ఎత్తిపోతల (Pattiseema Lift Irrigation)

పట్టిసీమ ఎత్తిపోతల ప్రాంతం పట్టిసీమ (ప.గో.జిల్లా) శంకుస్థాపన గోదావరి జలాలను కృష్ణానదికి కలపడం ఈ ఎత్తిపోతల ఉద్దేశ్యం. పశ్చిమ గోదావరి జిల్లా పట్టిసీమ పంచాయతి పరిధిలోని బంగారంపేట వద్ద పంప్‌హౌస్ నిర్మించి గోదావరి జలాలను కుడి ప్రధాన కాలువకు మళ్ళిస్తారు. అక్కడి నుంచి కృష్ణానదికి నీటిని తీసుకెళ్తారు. దీనిద్వారా 80 టీఎంసీల వరద నీటిని ఆదా చేయడమే కాకుండా కాలువల ద్వారా కరువు ప్రాంతాలకు మళ్ళించడం ఈ పథకం ఉద్దేశ్యం. కృష్ణానదికి వరదలు నిదానంగా వస్తాయి ఒక్కోసారి సెప్టెంబరు వరకు కూడా కృష్ణాలో కావలసింత నీరుండదు. అంతకు ముందు గోదావరిలో వరద నీరు వృధాగా సముద్రంలో కలుస్తుంది. దీని నిర్మాణంతో వరదనీరు కృష్ణా పరీవాహప్రాంతంలో ఉపయోగించవచ్చు. గోదావరి నీటిమట్టం 14 మీటర్లు మించి ఉన్నప్పుడే నీరు ఎత్తిపోతేలా పథకం రూపొందించారు. ఈ ఎత్తిపోతలకు ఆంధ్రప్రదేశ్ ప్రభుత్వం రూ 1300 కోట్ల పరిపాలన అనుమతి ఇచ్చింది. మార్చి 29, 2015న ఈ ఎత్తిపోతలకు ముఖ్యమంత్రి చంద్రబాబునాయుడు శంకుస్థాపన చేశారు. విభాగాలు: ఆంధ్రప్రదేశ్ జలవనరులు,   = = = = =