సంగం మండలం (Sangam Mandal)

సంగం మండలం జిల్లా నెల్లూరు జిల్లా, వైశాల్యం 218 చకిమీ అసెంబ్లీ నియో. ఆత్మకూరు అ/ని లోకసభ నియో. నెల్లూరు లో/ని సంగం మండలం నెల్లూరు జిల్లాకు చెందిన మండలము. మండల వైశాల్యం 218 చకిమీ. మండలంలో 15 రెవెన్యూ గ్రామాలు కలవు. మండలానికి దక్షిణాన సరిహద్దుగా పెన్నానది ప్రవహిస్తోంది. సంగం, దువ్వూరు, మర్రిపాడు, అన్నారెడ్డిపాలెం మండలంలోని పెద్ద గ్రామాలు. మండల కేంద్రంలో ప్రముఖమైన సంగమేశ్వరాలయం ఉంది. ఆత్మకూరు నుంచి కోవూరు వెళ్ళు రహదారి మండలం మీదుగా వెళ్ళుచున్నది. పర్వతారోహకుడు మల్లి మస్తాబ్ బాబు ఈ మండలమునకు చెందినవాడు. మండల సరిహద్దులు: సంగం మండలమునకు తూర్పున బుచ్చిరెడ్డిపాలెం, దగదర్తి మండలాలు, పడమరన ఆత్మకూరు, అనుమసముద్రంపేట మండలాలు, ఉత్తరాన అనుమసముద్రం పేట మండలం, దక్షిణాన పొదలకూరు మండలం సరిహద్దులుగా ఉన్నాయి. జనాభా: 2011 లెక్కల ప్రకారం మండల జనాభా 32621. ఇందులో పురుషులు 16652, మహిళలు 15969. స్త్రీపురుష నిష్పత్తి (1033/వెయ్యి పురుషులకు)లో ఈ మండలం జిల్లాలో రెండవ స్థానంలో ఉంది. రాజకీయాలు: ఈ మండలం ఆత్మకూరు అసెంబ్లీ నియోజకవర్గం, నెల్లూరు లోకసభ నియోజకవర్గంలో భాగంగా ఉంది. వ్యవసాయం, పంటలు: మండలంలో పండించే ప్రధానపంట వరి. పత్తి, వేరుశనగ కూడా పండిస్తారు. సంగమేశ్వరాలయం రవాణా సౌకర్యాలు: మండలం గుండా రైలుమార్గం కాని, జాతీయ రహదారులు కాని లేవు. మండలానికి తూర్పున ఉన్న కావలి, కోవూరు మండలాల గుండా జాతీయ రహదారి మరియు రైలుమార్గం వెళ్ళుచున్నది. సంగం మండలం మీదుగా ఆత్మకూరు నుంచి 5వ నెంబరు జాతీయ రహదారిని చేరే రోడ్డుమార్గం ఉంది. మండలంలోని గ్రామాలు: అన్నారెడ్డిపాలెం · కలిగిరి కొండూరు · కొరిమెర్ల కండ్రిక · కొరిమెర్ల · కొలగట్ల · చెన్నవరప్పాడు · జంగాల కండ్రిక · తరుణవాయి · తలుపూరుపాడు · దువ్వూరు · నీలయ్యపాలెం · పడమటిపాలెం · పెరమన · మక్తాపురం · మర్రిపాడు · వంగల్లు · సంగం · సిద్దిపురము విభాగాలు: నెల్లూరు జిల్లా మండలాలు, సంగం మండలం,  = = = = =