వేయి స్తంభాల దేవాలయం (Thousanad Pillars Temple)

వేయి స్తంభాల దేవాలయం నగరం హన్మకొండ జిల్లా వరంగల్ జిల్లా నిర్మాణ కాలం క్రీ.శ. 1163 నిర్మించినది రుద్రదేవుడు తెలంగాణలో అత్యంత ప్రసిద్ధి చెందిన దేవాలయాలలో ఒకటైన వేయిస్తంభాల ఆలయం వరంగల్ జిల్లా హన్మకొండలో ఉంది. ఈ ఆలయం అసలుపేరు రుద్రేశ్వరాలయం. క్రీ.శ.12వ శతాబ్దంలో కాకతీయ రుద్రదేవునిచే నిర్మించబడినట్లు చరిత్ర ప్రకారం తెలుస్తుంది. ఒక కూటంలో శివుడు, మరో విష్ణువు, మరొక కూటంలో సూర్యభగవానుడు ప్రతిష్టితులై ఆరాధనలందుకుంటున్న త్రికూటాలయం ఇది. కాకతీయుల శిల్పకళా శైలితో అలరారే ఈ ఆలయంలొ రుద్రేశ్వరుడు లింగ రూపంలో భక్తులకు దర్శనమిస్తాడు. కాకతీయుల కళావైభవానికి మచ్చుతునకైన ఈ ఆలయం మధ్యయుగంలో ముస్లిందాడులలో ధ్వంసమైంది. ఆలయ మంటపంపై లతలు, పుష్పాలు, నాట్య భంగిమలో ఉన్న స్త్రీమూర్తులు, పలు పురాణ ఘట్టాలను శిల్పాలుగా మలచిన తీరు సందర్శకులను ఆకర్షిస్తాయి. కళ్యాణ మంటపం మరియు ప్రధానాలయాన్ని కలిపి మొత్తం వేయి స్తంభాలతో నిర్మించిన కారణంగా ఈ ఆలయానికి వేయి స్తంభాల దేవాలయమనే పేరు వచ్చింది. ఆలయ వాయువ్య దిశలో అభయాంజనేయ స్వామి, నాగ ప్రతిమలు కొలువైయున్నాయి. మాఘ, శ్రావణ మరియు కార్తీక మాసాలలో ఆలయ సందర్శన విశేష ఫలాన్నిస్తుందని భక్తుల నమ్మకం. మహా శివరాత్రి, కార్తీక పౌర్ణమి, గణేశ నవరాత్రుల్లో భక్తుల రద్దీ అధికంగా ఉంటుంది. ఈ ఆలయానికి ఖాజీపేట లేక వరంగల్ రైల్వే స్టేషను నుంచి 5 కి.మీ. దూరంలో నున్న హన్మకొండకు చేరుకొని రుద్రేశ్వర స్వామిని దర్శించవచ్చు. విభాగాలు: తెలంగాణ దేవాలయాలు, వరంగల్ జిల్లా దేవాలయాలు, వరంగల్ జిల్లా సందర్శనీయ ప్రదేశాలు, వరంగల్ నగరం, కాకతీయ సామ్రాజ్యము, క్రీ.శ.12వ శతాబ్దము,  = = = = =