రఘునాథపల్లి మండలం (Raghunathapally Mandal)

రఘునాథపల్లి మండలం జిల్లా జనగామ జిల్లా రెవెన్యూ డివిజన్ జనగామ అసెంబ్లీ నియోజకవర్గం స్టేషన్ ఘన్‌పూర్ లోకసభ నియోజకవర్గం వరంగల్ రఘునాథపల్లి జనగామ జిల్లాకు చెందిన మండలము. మండలంలో 15 ఎంపీటీసి స్థానాలు, 36 గ్రామపంచాయతీలు, 19 రెవెన్యూ గ్రామాలు కలవు. సికింద్రాబాదు-కాజీపేట రైల్వేలైన్ మండలం గుండా వెళ్ళుచున్నది. ఖిలాషాపూర్, కంచన్‌పల్లి, రఘునాథపల్లి మండలంలోని పెద్ద గ్రామాలు. ఖిలాషాపురంలో సర్వాయి పాపన్న నిర్మించిన కోట ఉంది. అక్టోబరు 11, 2016న జిల్లాల పునర్వ్యవస్థీకరణ సమయంలో ఈ మండలం వరంగల్ జిల్లా నుంచి కొత్తగా ఏర్పాటైన జనగామ జిల్లాలోకి చేరింది. ప్రముఖ తెలుగు కవి పేర్వారం జగన్నాథం, పిసిసి అధ్యక్షుడిగా, రాష్ట్ర మంత్రి గా పనిచేసిన పొన్నాల లక్ష్మయ్య, ఉమ్మడి ఆంధ్రప్రదేశ్ డిజిపిగా, ఏపీపీఎస్సీ చైర్మెన్‌గా పనిచేసిన పేర్వారం రాములు ఈ మండలమునకు చెందినవారు.     భౌగోళికం, సరిహద్దులు: భౌగోళికంగా ఈ మండలం జిల్లా మధ్యలో ఉంది. ఈ మండలానికి ఉత్తరాన నర్మెట్ట మండలం, ఈశాన్యాన మరియు తూర్పున స్టేషన్ ఘన్‌పూర్ మండలం, ఆగ్నేయాన పాలకుర్తి మండలం, దక్షిణాన దేవరుప్పుల మండలం, నైరుతిన లింగాల ఘన్‌పూర్ మండలం, పశ్చిమాన జనగామ మండలం సరిహద్దులుగా ఉన్నాయి. చరిత్ర: మొఘలులకు వ్యతిరేకంగా ఒంటిచేతిలో పోరాడి ముప్పుతిప్పలు పెట్టిన సర్వాయి పాపన్న ఈ మండలంలోని ఖిలాషాపూర్ గ్రామానికి చెందినవాడు. ఆయన నిర్మించిన కోట ఈ గ్రామంలో ఉంది. అంతకుక్రితం ఈ ప్రాంతం కాకతీయుల పాలనలో ఉండేది. ఆధునిక కాలంలో ఈ ప్రాంతాన్ని ఆసఫ్‌జాహీ, నిజాంషాహీలచే పాలించబడి 1948లో నిజాం చెరనుంచి బయటపడి హైదరాబాదు రాష్ట్రంలోనూ, 1956-2014 కాలంలో ఆంధ్రప్రదేశ్‌లో కొనసాగి 2014 జూన్ 2 నుంచి తెలంగాణ రాష్ట్రంలో భాగంగా ఉంది. 2016 అక్టోబరు 11న తెలంగాణలో జిల్లాల పునర్వ్యవస్థీకరణలో భాగంగా ఈ మండలం వరంగల్ జిల్లా నుంచి జనగామ జిల్లాలోకి మారింది. రవాణా సౌకర్యాలు: సికింద్రాబాదు-కాజీపేట రైల్వేలైన్, మరియు హైదరాబాదు వరంగల్ ప్రధాన రహదారి మండలం గుండా వెళ్ళుచున్నది. జనాభా: 2001 లెక్కల ప్రకారం మండల జనాభా 52,876. ఇందులో పురుషులు 26509, మహిళలు 26367. 2011 లెక్కల ప్రకారం మండల జనాభా 53171. ఇందులో పురుషులు 26472, మహిళలు 26699. రాజకీయాలు: ఈ మండలము స్టేషన్ ఘన్‌పూర్ అసెంబ్లీ నియోజకవర్గం, వరంగల్ లోకసభ నియోజకవర్గంలో భాగంగా ఉంది. రాష్ట్ర మంత్రిగా, పిసిసి అధ్యక్షుడుగా పనిచేసిన పొన్నాల లక్ష్మయ్య ఈ మండలమునకు చెందినవారు. 2019లో మండల అధ్యక్షులుగా కాంగ్రె పార్టీకి చెందిన మేకల వరలక్ష్మి, జడ్పీటీసిగా తెరాసకు చెందిన బొల్లం మణికంఠ ఎన్నికయ్యారు. రఘునాథపల్లి మండలం  కై బ్లాగులో గూగుల్ సెర్చ్ చేయండి మండలంలోని రెవెన్యూ గ్రామాలు: Ashwaraopalli, Bhanjipeta, Fatheshapur, Gabbeta, Govardhanagiri, Ibrahimpur, Kalvalapalli, Kanchanpalli, Kannaipalli, Koduru, Komalla, Kurchapalli, Madharam, Mekalagattu, Nidigonda, Quileshapur, Raghunathpalli, Srimannarayanapur, Veldi ప్రముఖ గ్రామాలు / పట్టణాలు ఖిలాషాపూర్ (Khilashapur): ఖిలాషాపూర్ జనగామ జిల్లా రఘునాథపల్లి మండలమునకు చెందిన గ్రామము. ప్రముఖ తెలుగు కవి, విమర్శకుడు పేర్వారం జగన్నాథం, మాజీ మంత్రి, తెలంగాణ పిసిసి అధ్యక్షుడు పొన్నాల లక్ష్మయ్య, 2014లో వరంగల్ జడ్పీ చైర్మెన్‌గా ఎన్నికైన గద్దెల పద్మ ఈ గ్రామానికి చెందినవారు. గ్రామంలో సర్వాయి పాపన్న నిర్మించిన కోట ఉంది. అక్టోబరు 15, 2020న భారీ వర్షాలకు కోటలో కొంతభాగం కూలిపోయింది. ఇవి కూడా చూడండి: జనగామ జిల్లా, పేర్వారం జగన్నాధం, పేర్వారం రాములు పొన్నాల లక్ష్మయ్య, ఫోటో గ్యాలరీ పొన్నాల లక్ష్మయ్య ఉమ్మడి వరంగల్ జిల్లాలో రఘునాథపల్లి మండలం c c హోం విభాగాలు: జనగామ జిల్లా మండలాలు,  రఘునాథపల్లి మండలము, = = = = = సంప్రదించిన పుస్తకాలు, వెబ్‌సైట్లు: Handbook of Statistics, Warangal Dist, 2016, Handbook of Census Statistics, Warangal District, 2001, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 234 తేది: 11-10-2016  వరంగల్ జిల్లా స్వాతంత్ర్యసమరయోధుల చరిత్ర, https://jangaon.telangana.gov.in/te/ (Official Website of Janagoan Dist),

Raghunathapalli Mandal in Telugu, Jangoan Dist (district) Mandals in telugu, Janagoan Dist Mandals in telugu,