మంచిర్యాల జిల్లా (Manchiryal District)

పరిపాలన కేంద్రం మంచిర్యాల మండలాలు 18 విస్తీర్ణం 4016 Sq km జనాభా 807037 మంచిర్యాల జిల్లా తెలంగాణలోని 33 జిల్లాలలో ఒకటి. అక్టోబరు 11, 2016న ఏర్పడిన ఈ జిల్లాలో 2 రెవెన్యూ డివిజన్లు, 18 మండలాలు ఉన్నాయి. మంచిర్యాల జిల్లాలోని అన్ని మండలాలు పూర్వపు ఆదిలాబాదు జిల్లాలోనివే. మంచిర్యాల, బెల్లంపల్లి, మందమర్రి ఈ జిల్లాలోని పెద్ద పట్టణాలు. సికింద్రాబాదు-ఢిల్లీ రైలుమార్గం మరియు నిజామాబాదు-జగదల్‌పూర్ జాతీయ రహదారి జిల్లా గుండా వెళ్ళుచున్నవి. జైపూర్‌లో సింగరేణి విద్యుత్ కేంద్రం, మంచిర్యాలలో ఎంసిసి సిమెంట్ కర్మాగారం ఉన్నాయి. భౌగోళికం, సరిహద్దులు: మంచిర్యాల జిల్లా తెలంగాణలో ఉత్తరభాగంలో గోదావరి నదికి పైన ఉంది. ఈ జిల్లాకు ఉత్తరాన కొమురంభీం జిల్లా, దక్షిణాన జగిత్యాల జిల్లా, పెద్దపల్లి జిల్లా, పశ్చిమాన నిర్మల్ జిల్లా, తూర్పున మహారాష్ట్ర సరిహద్దులుగా ఉన్నాయి. రెవెన్యూ డివిజన్లు, మండలాలు: మంచిర్యాల డివిజన్: చెన్నూరు, జైపూర్, భీమారం, కోటపల్లి, లక్సెట్టిపల్లి, మంచిర్యాల, నస్పూర్, హాజిపూర్, మందమర్రి, దండేపల్లి, జన్నారం. బెల్లంపల్లి డివిజన్: కాసిపేట, బెల్లంపల్లి, వేమనపల్లి, నెన్నెల్, తాండూర్, భీమిని, కన్నేపల్లి. రాజకీయాలు: ఈ జిల్లా 4 అసెంబ్లీ నియోజకవర్గాలలో విస్తరించియుంది. మంచిర్యాల, చెన్నూరు, బెల్లంపల్లి మరియు ఖానాపూర్ నియోజకవర్గాలు పూర్తిగా లేదా పాక్షికంగా జిల్లా పరిధిలో ఉన్నాయి. రవాణా సౌకర్యాలు: సికింద్రాబాదు నుంచి డిల్లీ వెళ్ళు ప్రధానరైలుమార్గం ఉత్తర-దక్షిణంగా జిల్లా గుండా వెళ్ళుచున్నది. మంచిర్యాల మరియు బెల్లంపల్లి జిల్లాలోని ప్రధాన రైల్వేస్టేషన్లు. నిజామాబాదు నుంచి జగదల్‌పూర్ వెళ్ళు జాతీయరహదారి తూర్పు-పడమరగా జిల్లా దక్షిణ భాగం గుండా వెళ్తుంది. ఇవి కూడా చూడండి: మంచిర్యాల జిల్లా మండలాలు, మంచిర్యాల జిల్లా ప్రముఖులు, విభాగాలు: తెలంగాణ జిల్లాలు, మంచిర్యాల జిల్లా,  = = = = = ఆధారాలు: తెలంగాణ రాష్ట్ర ప్రభుత్వ ఉత్తర్వు సంఖ్య 222 తేది 11-10-2016.