నవీన్ పట్నాయక్ (Naveen Patnaik)

జననం అక్టోబరు 16, 1946 రంగం రాజకీయాలు పదవులు కేంద్రమంత్రి, ముఖ్యమంత్రి, పార్టీ బిజూ జనతాదళ్ భారతదేశ ప్రముఖ రాజకీయ నాయకులలో ఒకరైన నవీన్ పట్నాయక్ అక్టోబరు 16, 1946న కటక్‌లో జన్మించారు. బిజూ జనతాదళ్ పార్టీకి చెందిన నవీన్ పట్నాయక్ 2000 నుంచి ఒడిషా (ఒరిస్సా) ముఖ్యమంత్రిగా కొనసాగుతున్నారు. ప్రస్తుతం దేశంలోని ముఖ్యమంత్రులలో అత్యంత సీనియర్‌గా ఉన్నారు. దేశంలో అత్యధిక కాలం ముఖ్యమంత్రిగా పనిచేసినవారిలో జ్యోతిబసు, పవన్ చామ్లింగ్‌ల తర్వాత మూడోస్థానంలో ఉన్నారు. నవీన్ పట్నాయక్ తండ్రి బిజూ పట్నాయక్ కూడా ఒడిషా ముఖ్యమంత్రిగా పనిచేశారు. రాజకీయ ప్రస్థానం: తండ్రి బిజూ పట్నాయక్ మరణం తర్వాత 1997లో రాజకీయాలలో ప్రవేశించి అస్కా లోక్‌సభ నియోజకవర్గం ఉప ఎన్నికలలో విజయం సాధించి వాజపేయి మంత్రివర్గంలో స్థానం పొందారు. 1997లోనే బిజూ జనతాదళ్ పేరుతో కొత్తపార్టీని ఏర్పాటుచేశారు. 2000 శాసనసభ ఎన్నికలలో భాజపాతో పొత్తుపెట్టుకొని విజయం సాధించి కేంద్ర మంత్రిపదవిని వదిలి తొలిసారి ముఖ్యమంత్రి అయ్యారు. ఆ తర్వాత 2004, 2009, 2014, 2019లలో వరుస విజయాలు సాధిస్తూ ఐదోసారి ముఖ్యమంత్రి పగ్గాలు చేపట్టారు. 2009 తర్వాత భాజపాకు దూరమయ్య్యారు. ప్రస్తుతం దేశంలో కొనసాగుతున్న ముఖ్యమంత్రులలో నవీన్ పట్నాయక్ అత్యంత సీనియర్‌గా ఉన్నారు. ఇవి కూడా చూడండి: బిజూ పట్నాయక్, బిజూ జనతాదళ్ పార్టీ, Home విభాగాలు: భారతదేశ రాజకీయ నాయకులు, భారతదేశ ముఖ్యమంత్రులు, ఒడిషా రాజకీయ నాయకులు,   = = = = =