సిల్క్‌స్మిత (Silk Smitha)

జననం డిసెంబరు 2, 1960 రంగం సినీనటి మరణం సెప్టెంబరు 23, 1996 శృంగారనటిగా పేరుపొందిన సిల్క్‌స్మిత  డిసెంబరు 2, 1960న పశ్చిమగోదావరి జిల్లా దెందులూరు మండలం కొవ్వలిలో జన్మించింది. ఈమె అసలుపేరు విజయలక్ష్మి. 1979లో తొలిసారిగా వండిచక్కరం అనే తమిళ సినిమాలో సిల్క్ పాత్రలో నటించి ప్రసిద్ధి చెంది దాన్నే తనపేరుగా మార్చుకుంది. తన సినీజీవితంలో సిల్క్‌స్మిత తెలుగు, తమిళ, కన్నడ, మలయాళ, హిందీ భాషలలో 450కు పైగా  సినిమాలలో నటించింది. సిల్క్‌స్మిత అవివాహితగానే ఉంది. కాని తన జీవితంలో ఒక వ్యక్తి ప్రవేశించుటవల్ల చివరిదశలో అతను సరైన ఆదరణ చూపలేకపోవుట వల్ల ఆత్మహత్య చేసుకున్నట్లుగా సూసైడ్ నోట్‌లో పేర్కొంది. సెప్టెంబరు 23, 1996న చెన్నైలో ఆత్మహత్య చేసుకున్న తర్వాత పలురకాలుగా కేసును పరిశీలించిననూ వ్యక్తి గురించి ఎలాంటి ఆధారం లభించలేదు. 2011లో సిల్క్‌స్మిత జీవితం ఆధారంగా హిందీలో ఏక్తకపూర్‌చే డర్టీలైఫ్ సినిమా తీయబడింది. ఈ సినిమాలో సిల్క్‌స్మిత పాత్రను విద్యాబాలన్ పోషించింది. తమ అనుమతి లేకుండా సిల్క్‌స్మిత జీవితాన్ని తప్పుగా తెరకిక్కించడాన్ని ఆమె సోదరుడు తప్పుపట్టడంతో ఇది సిల్క్‌స్మిత జీవితకథ కాదని తర్వాత పేర్కొన్నారు. విభాగాలు: సినీనటులు,   = = = = =

Tags: Biography of Silk Smitha, about Silk Smitha