మురళీమోహన్ (Murali Mohan)

జననం జూన్ 24, 1940 రంగం సినీనటుడు, నిర్మాత, రాజకీయ నాయకుడు గుర్తింపులు నంది అవార్డు పదవులు ఒకసారి ఎంపి, సినీనటుడిగా, నిర్మాతగా, రాజకీయ నాయకుడిగా, వాణిజ్యవేత్తగా ప్రసిద్ధిచెందిన మాగంటి మురళీమోహన్ జూన్ 24, 1940న పశ్చిమ గోదావరి జిల్లా చాటపర్రులో జన్మించారు. ఈయన అసలు పేరు మాగంటి రాజబాబు. 1973లో జగమే మాయ సినిమా ద్వారా సినీప్రస్థానం ప్రారంభించిన మురళీమోహన్ 1974లో దాసరి నారాయణరావు దర్శకత్వంలోని తిరుపతి సినిమా ద్వారా గుర్తింపు పొంది తన సినీ జీవితంలో 350 పైగా సినిమాలలో నటించారు. 1985లో ఓ తండ్రి తీర్పు సినిమాలో నటనకు గాను ఉత్తమనటుడిగా నంది అవార్డు పొందారు. నేషనల్ ఫిలిం డెవలప్‌మెంట్ కార్పోరేషన్, ఆంధ్రప్రదేశ్ ఫిలిం డెవెలప్‌మెంట్ కార్పోరేషన్ లలో పలు పదవులు నిర్వహించారు. తెలుగు మూవీ ఆర్టిస్ట్ అసోసియేషన్ (మా) కు 2015 వరకు గౌరవ అధ్యక్షుడిగా కూడా పనిచేశారు. 1980లో సోదరుడు కిశోర్‌తో కలిసి జయభేరి ఆర్ట్స్ పేరిట స్వంత నిర్మాణసంస్థను ప్రారంభించి పలు చిత్రాలు తీశారు. 2009లో తెలుగుదేశం పార్టీ తరఫున రాజమండ్రి నుంచి పోటీచేసి కాంగ్రెస్ పార్టీ అభ్యర్థి ఉండవల్లి అరుణ్ కుమార్ చేతిలో ఓడిపోయారు. 2014లో కూడా రాజమండ్రి నుంచి తెదేపా తరఫున పోటీచేసి వైకాపాకు చెందిన బొడ్డు వెంకటరమణా చౌదరిపై పోటీచేసి తొలిసారి లోక్‌సభకు ఎన్నికైనారు. రియల్ ఎస్టేట్ వ్యాపారంలో ప్రవేశించి జయభేరి గ్రూప్ సంస్థను స్థాపించి దానికి ఛైర్మన్‌గా వ్యవహరిస్తున్నారు. ఇవి కూడా చూడండి: రాజమండ్రి లోక్‌సభ నియోజకవర్గం, హోం విభాగాలు: తెలుగు సినీనటులు, పశ్చిమ గోదావరి జిల్లా ప్రముఖులు,  = = = = =

Tags: about Murali Mohann biography, gurinchi