బాలగంగాధర తిలక్ (Bal Gangadhar Tilak)

జననం జూలై 23, 1856 జన్మస్థానం రత్నగిరి బిరుదు లోకమాన్య పత్రికలు మరాఠా, కేసరి మరణం ఆగస్టు 1, 1920 ప్రముఖ స్వాతంత్ర్య సమరయోధుడైన బాలగంగాధర తిలక్ జూలై 23, 1856న మహారాష్ట్రలోని రత్నగిరిలో జన్మించారు. జాతీయోద్యమాన్ని కొత్తదారులు పట్టించి భారతజాతీయోద్యమ పితగా పేరుపొందారు. భారతదేశంలో బ్రిటిష్ ప్రభుత్వానికి వ్యతిరేకంగా ఉద్యమించి బ్రిటీష్ ప్రభుత్వ అశాంతికి కారకుడైనందున ఈయన్ను అశాంతి పితామహుడు అని కూడా పిలుస్తారు. తిలక్‌కు లోకమాన్య అనే బిరుదు ఉంది. స్వరాజ్యం నా జన్మహక్కు. దాన్ని నేను పొంది తీరుతాను అనే ఈయన నినాదం సుప్రసిద్ధమైనది. మరాఠా(ఆంగ్ల పత్రిక), కేసరి(మరాఠీ పత్రిక) పత్రికలను నడిపి జాతీయోద్యమాన్ని ప్రచారం చేశారు. తిలక్ 1890లో భారత జాతీయ కాంగ్రెస్ లో సభ్యుడుగా చేరారు. కాని కాంగ్రెస్ మితవాద రాజకీయాలపై నమ్మకం లేదు. స్వరాజ్యం కోసం పోరాటమే సరైన మార్గమని ఆయన నమ్మి మితవాదులపై ఘాటైన విమర్శలు చేశాడు: "మీరు సంవత్సరానికొకసారి సమావేశమై కప్పల మాదిరి బెకబెకలాడడం వల్ల ప్రయోజనం లేదు. అన్నారు. కాంగ్రెస్ సంస్థను అడుక్కునేవాళ్ళ సంఘం అని విమర్శించారు. 1907లో మహారాష్ట్రలోని సూరత్‌లో జరిగిన సమావేశంలో కాంగ్రెస్ చీలిపోయింది. మితవాదులు కాంగ్రెస్ పై తమ పట్టును నిలబెట్టుకున్నారు. అతివాదులుగా పిలవబడే తిలక్, ఆయన మద్దతుదారులు కాంగ్రెస్ నుంచి బయటకు వచ్చేశారు. 1916 ఏప్రిల్ లో హోంరూల్ లీగ్‌ను స్థాపించి ప్రచార్ం చేశారు. ఆగస్టు 1, 1920న తిలక్ ముంబాయిలో మరణించారు. ఇవి కూడా చూడండి: బాలగంగాధర తిలక్ || జనరల్ నాలెడ్జి పాయింట్లు (యూట్యూబ్), భారత స్వాతంత్ర్య సమరయోధులు, భారతదేశ ప్రముఖులు, మహాత్మాగాంధీ, బిపిన్ చంద్ర పాల్ (Bipin Chandra Pal), హోం విభాగాలు: భారత స్వాతంత్ర్య సమరయోధులు, మహారాష్ట్ర ప్రముఖులు, భారతదేశ ప్రముఖులు,  = = = = =

Tags: about Bal gangadhar tilak, Tilak Jeevitha Charitra, Home rule, biography of Balgangadhar Tilak in telugu