సుభాష్ చంద్రబోస్ (Subhas Chandra Bose)

జననం జనవరి 23, 1897 జన్మస్థానం కటక్ బిరుదు నేతాజీ మరణం ఆగస్టు 18, 1945 ప్రముఖ భారత స్వాతంత్ర్య సమరయోధుడు "నేతాజీ"గా పేరుపొందిన సుభాష్ చంద్రబోస్ జనవరి 23, 1897న ప్రస్తుత ఒడిషాలోని కటక్ నగరంలో జన్మించాడు. మహాత్మాగాంధీ నాయకత్వంలో అహింసావాదంతో స్వరాజ్యం కోసం పోరాటం చేస్తున్న సమయంలో ఆయుధ పోరాటం ద్వారా ఆంగ్లేయులను దేశం నుంచి తరిమి కొట్టవచ్చునని నమ్మి దాన్ని ఆచరణలో పెట్టి ప్రసిద్ధి చెందాడు. మొత్తంపై అతివాద భావాలతో ఈయన చేసిన స్వాతంత్ర్యపోరాటం శ్లాఘనీయమైనది. మరణం కూడా వివాదాస్పదమైంది. ఆగస్టు 18, 1945న తైవాన్‌లో జరిగిన విమాన ప్రమాదంలో బోసు మరణించాడని ప్రకటించినప్పటికీ అతను ప్రమాదం నుంచి బయట పడి అజ్ఞాతం లోకి వెళ్ళాడని పలువురు నమ్ముతారు. 1992లో బోస్‌కు "మరణానంతరం" అని ప్రకటించిన భారతరత్న పురస్కారం కూడా ఇదే కారణంతో ఆయన కుటుంబీకులు స్వీకరించనందును ఆయనకు ప్రకటించిన భారతరత్నను ప్రభుత్వం వెనక్కు తీసుకుంది. సివిల్ సర్వీస్ ఉద్యోగం సాధించినా దేశ స్వాతంత్ర్యం కోసం ఆ పదవిని వదిలి జాతీయోద్యమంలో చేరాడు. సుభాష్ చంద్రబోస్ రెండు సార్లు భారత జాతీయ కాంగ్రెస్‌కు అధ్యక్షుడిగా ఎన్నికైనా గాంధీతో సిద్ధాంత పరమైన అభిప్రాయ భేదాల వలన ఆ పదవికి రాజీనామా చేశాడు. గాంధీ సిద్ధాంతాలతో విబేధించి కాంగ్రెస్‌ను వదిలిపెట్టి ఆల్ ఇండియా ఫార్వార్డ్ బ్లాక్ అనే రాజకీయ పార్టీని స్థాపించాడు. 1939లో రెండవ ప్రపంచ యుద్ధం మొదలైన పిదప ఆంగ్లేయులను దెబ్బ తీయటానికి దీన్ని ఒక సువర్ణవకాశంగా బోసు భావించాడు. యుద్ధం ప్రారంభం కాగానే అతను ఆంగ్లేయుల పై పోరాడేందుకు కూటమి ఏర్పాటు చేసే ఉద్దేశంతో రష్యా, జర్మనీ మరియు జపాన్ దేశాలలో పర్యటించాడు. జపాను సహాయంతో భారత యుద్ధ ఖైదీలు, రబ్బరు తోట కూలీలు మరియు ఔత్సాహికులతో భారత జాతీయ సైన్యాన్ని ఏర్పాటు చేశాడు. జపాను ప్రభుత్వం అందించిన సైనిక, ఆర్థిక, దౌత్య సహకారాలతో ఆజాద్ హింద్ ప్రభుత్వాన్ని సింగపూర్ లో ఏర్పరచాడు. రెండో ప్రపంచయుద్ధం చివరికాలంలోనే విమానప్రమాదంలో ప్రాణాలు కోల్పోయాడు. ఇవి కూడా చూడండి: భారత స్వాతంత్ర్య సమరయోధులు, భారతదేశ ప్రముఖులు, మహాత్మాగాంధీ, భగత్ సింగ్,  ఒరిస్సా, హోం విభాగాలు: భారత స్వాతంత్ర్య సమరయోధులు, ఒడిషా ప్రముఖులు, భారతదేశ ప్రముఖులు,  = = = = =

Tags: about Netaji Subhash Chandra Bise, biography of Subhash Chandra Bose in telugu