దాదాభాయి నౌరోజి (Dadabhai Naoroji)

జననం సెప్టెంబరు 4, 1825 జన్మస్థానం నవసారి రంగం స్వాతంత్ర్య సమరయోధుడు మరణం జూన్ 30, 1917 ప్రముఖ స్వాతంత్ర్య సమరయోధుడు, గ్రాండ్ ఓల్డ్ మ్యాన్ ఆఫ్ ఇండియాగా పిల్వబడే దాదాబాయి నౌరోజి సెప్టెంబరు 4, 1825న నవసారిలో జన్మించాడు. ఈయన వ్యాపారవేత్తగానూ, విద్యావేత్తగానూ, రాజకీయనాయకుడిగానూ, సామాజిక సేవకుడిగానూ పేరుపొందాడు. 1892లో బ్రిటన్ కామన్స్ సభకు ఎన్నికై ఈ ఘనత సాధించిన తొలి భారతీయుడిగా ప్రసిద్ధి చెందాడు. 1885లో భారత జాతీయ కాంగ్రెస్ స్థాపనలో కూడా ఈయన పాత్ర ఉంది. బ్రిటీష్ కాలంలో ఆంగ్లేయులు భారత్ నుంచి తరలించే సంప్దను Poverty and Un-British Rule in India పేరుతో గ్రంథస్తం చేసి ఆంగ్లేయుల అరాజకాలను బయటపెట్టాడు. జూన్ 30, 1917న నౌరోజి ముంబాయిలో మరణించాడు. స్వాతంత్ర్యానంతరం భారత ప్రభుత్వం 1963, 1997 and 2017లలో ఈయా ముఖచిత్రంతో తపాలాబిళ్ళలను విడుదల చేసి ఈయన సేవలను గుర్తించింది. గుజరాతి మాతృభాష కల పార్శీ కుటుంబంలో జన్మించిన నౌరోజీ బరోడా మహారాజు శయాజీరావ్ గైక్వాడ్-3 కాలంలో దీవాన్ పదవి పొందాడు. 1855లో గణితశాస్త్ర ప్రొఫెసర్‌గా పదవి చేపట్టాడు. 1859లో స్వయంగా పత్తి వ్యాపారంలో ప్రవేశించాడు. ఆ తర్వాత లండన్ విశ్వవిద్యాలయంలో గుజరాతి ప్రొఫెసర్‌గా చేరాడు. లండన్‌లో ఉన్నప్పుడే భారతదేశ రాజకీయాలు, సమస్యలను చర్చించడానికి 1865లో లండన్ ఇండియా సొసైటి స్థాపించాడు. ఆ తర్వాత లిబరల్ పార్టీ తరఫున బ్రిటీష్ పార్లమెంటు సభ్యుడిగా ఎన్నికై భారతదేశ సమస్యలపై బ్రిటీష్ పార్లమెంటులో ప్రస్తావించాడు. ఆ తర్వాత భారత్ వచ్చి జాతీయోద్యమంలో పాలుపంచుకున్నాడు. 1886లో రెండో భారత జాతీయ కాంగ్రెస్ సదస్సుకు అధ్యక్షత వహించమే కాకుండా 1893, 1906లలో కూడా కాంగ్రెస్ సభలకు అధ్యక్షత వహించాడు. ఇవి కూడా చూడండి: భారత స్వాతంత్ర్య సమరయోధులు, మహాత్మాగాంధీ, జవహార్‌లాల్ నెహ్రూ,  భగత్ సింగ్, బాలగంగాధర తిలక్, హోం విభాగాలు: భారత స్వాతంత్ర్య సమరయోధులు, భారతదేశ ప్రముఖులు,భారత జాతీయ కాంగ్రెస్,  = = = = =

Tags: about Dadabhai Naoroji, biography of Dadabhai Naoroji in telugu