లాలా లజపతిరాయ్ (Lala Lajpat Rai)

జననం జనవరి 28, 1865 జన్మస్థానం ధుడికె రంగం స్వాతంత్ర్య సమరయోధుడు మరణం నవంబరు 17, 1928 ప్రముఖ స్వాతంత్ర్య సమరయోధుడు, లాల్‌బాల్‌పాల్ త్రయంలో ఒకడిగా పేరుపొందిన లాలా లజపతిరాయ్ జనవరి 28, 1865న పంజాబ్‌లోని ధుడికెలో జన్మించారు. లాహోర్‌లో న్యాయవిద్య అభ్యసిస్తున్నప్పుడు స్వాతంత్ర్యోద్యమం వైపు దృష్టిసారించారు. అదేసమయంలో స్వామి దయానంద సరస్వతి భావాలవైపు మొగ్గుచూపారు. 1877లో లాగోర్ ఆర్యసమాజ్ సభ్యుడిగా ఉంటూనే ఆర్యగెజిట్‌కు సంపాదకత్వం వహించారు. ఆ తర్వాత భారత జాతీయ కాంగ్రెస్‌లో ప్రవేశించి 1920లో కలకత్తాలో జరిగిన ప్రత్యేక సమావేశానికి అధ్యక్షుడిగా ఎన్నికైనారు. 1921లో సర్వెంట్స్ ఆఫ్ పీపిల్స్ సొసైటి పేరుతో స్వచ్ఛందసంస్థను నెలకొల్పారు. జాతీయోద్యమంలో పంజాబ్ కేసరిగా పేరుపొందారు. 1928లో సైమన్ కమీషన్ భారత్ వచ్చినప్పుడు అందులో భారతీయులెవరూ సభ్యులుగా లేనందున సైమన్ కమీషన్‌కు వ్యతిరేకంగా బాయ్‌కాట్ ఉద్యమాలు జరిగాయి. అక్టోబరు 30, 1928లో సైమన్ కమీషన్ లాహోర్ వచ్చినప్పుడు లాలా లజపతిరాయ్ సైమన్ కమీషన్ వ్యతిరేక ఉద్యమానికి నాయకత్వం వహించి సైమన్ గో బ్యాక్ అని నినదించాడు. పోలీస్ సూపరింటెండెంట్ జేమ్స్ స్కాత్ ఆదేశాలతో జరిగిన లాఠీచార్జీలో లజపతిరాయ్‌కు తీవ్రగాయాలయ్యాయి. ఆ గాయాలతోనే నవంబరు 17, 1928న లజపతిరాయ్ ప్రాణాలు కోల్పోయారు. ఇవి కూడా చూడండి: భారత స్వాతంత్ర్య సమరయోధులు, మహాత్మాగాంధీ, జవహార్‌లాల్ నెహ్రూ,  భగత్ సింగ్, బాలగంగాధర తిలక్, హోం విభాగాలు: భారత స్వాతంత్ర్య సమరయోధులు, పంజాబ్ ప్రముఖులు, భారతదేశ ప్రముఖులు,  = = = = =

Tags: about Lala Lajpath Rai, biography of Lala Lajpat Rai in telugu