చిత్తరంజన్ దాస్ (Chittaranjan Das)

జననం నవంబరు 5, 1870 రంగం జాతీయోద్యమ నాయకుడు బిరుదు దేశబంధు మరణం జూన్ 16, 1925 స్వాతంత్ర్యోద్యమ నాయకుడిగా, రాజకీయ నాయకుడిగా, న్యాయవాదిగా పేరుపొందిన చిత్తరంజన్ దాస్ నవంబరు 5, 1870న ఢాకా సమీపంలో (ఇప్పటి బంగ్లాదేశ్‌లో) జన్మించారు. భార్య బసంతిదేవి కూడా స్వాతంత్ర్యోద్యమ నాయకురాలిగా పేరుపొందింది. దేశబంధు బిరుదంతో ప్రసిద్ధి చెందిన చిత్తరంజన్ దాస్ కలకత్తా మున్సిపల్ కార్పోరేషన్ తొలి మేయరుగా పనిచేశారు. బ్రిటీష్ వారికి వ్యతిరేకంగా పోరాడేందుకు ఫార్వార్డ్ (తర్వాత పేరు లిబర్టీగా మారింది) పత్రికను ప్రారంభించారు. అలీపూరు బాంబు కేసులో అరబిందో ఘోష్‌ను విముక్తి చేయడంలో న్యాయవాదిగా విజయం సాధించారు. భారత జాతీయ కాంగ్రెస్ సమావేశాలలో చురుకుగా పాల్గొన్న దాస్‌కు గయ కాంగ్రెస్ సదస్సుకు అధ్యక్షత వహించే అవకాశం కూడా లభించింది. కాని ఆ సమావేశంలో ఒక తీర్మానం వీగిపోవడంతో రాజీనామా చేశారు. 1923లో మోతీలాల్ నెహ్రూతో కలిసి స్వరాజ్ పార్టీ స్థాపించారు. జూన్ 16, 1925న డార్జిలింగ్‌లో మరణించారు. ఇవి కూడా చూడండి: భారత జాతీయ కాంగ్రెస్ అధ్యక్షులు,  స్వరాజ్ పార్టీ,   హోం విభాగాలు: భారత స్వాతంత్ర్య సమరయోధులు, బెంగాలీ ప్రముఖులు,  = = = = =

Tags: Chittaranjan Das biography in telugu, Indian National Movement leaders in Telugu,