పండగ సాయన్న (Pandaga Sayanna)

పండగ సాయన్న కాలం 19వ శతాబ్ది వృత్తి దోపిడీలు చేసి పేదలకు పంఛడం బిరుదులు తెలంగాణ రాబిన్‌హుడ్ తెలంగాణ రాబిన్‌హుడ్‌గా, బహుజన వర్గాల ఆరాధ్యుడిగా ప్రసిద్ధి చెందిన పండగ సాయన్న మహబూబ్‌నగర్ ప్రాంతానికి చెందినవాడు. బందిపోటుగా ముద్రపడిన పండగ సాయన్న ఉన్నవారి నుంచి దోచుకొని పేదవారికి పంచిపెట్టేవాడు. క్రీ.శ. 19వ శతాబ్దికి చెందిన ఈయన మహబూబ్‌నగర్, నవాబ్‌పేట, కుల్కచర్ల ప్రాంతాలలో చేసిన మంచిపనులు జానపదాల రూపంలో ఇప్పటికీ పేదప్రజలు స్మరించుకుంటున్నారు. పండగ సాయన్న జీవిత విశేషాలపై స్పష్టమైన వివరాలు లేవు. 2017లో పాలమూరుకు చెందిన న్యాయవాది బెక్కరి జనార్థన్ పలు విషయాలు సేకరించి పుస్తకం ప్రచురించారు. పండగ సాయన్న హత్య కూడా ఒక మిస్టరీగా మిగిలింది. దీన్ని కథలుకథలుగా చెప్పుకుంటారు. వనపర్తి సంస్థాన రాణి శంకరమ్మ ఈయనను కాపాడడానికి ప్రయత్నించిననూ నిజాం అనుచరులచే హత్యకు గురైనట్లుగా కథనం వ్యాప్తిలో ఉంది. మహబూబ్‌నగర్ పట్టణంలో ఈయన పేదలకు చేసిన సేవలకు గుర్తుగా తిరుమలదేవుని గుట్ట రైల్వే గేట్ కూడలికి పండగసాయన్న అడ్డాగా పేరుపెట్టబడింది. ఈయన విగ్రహాన్ని కూడా పట్టణంలో స్థాపించాలని శాసనసభ్యులు, రాష్ట్ర మంత్రి శ్రీనివాస్ గౌడ్ ప్రకటించారు. 2020లో పండగ సాయన్న జీవితంపై ఏ.ఎం.రత్నం మెగా సూర్య ప్రొడక్షన్స్ బ్యానర్‌లో సినిమాను నిర్మిస్తున్నారు. ఇందులో పండుగ సాయన్న పాత్రలో పవన్ కళ్యాణ్ నటిస్తున్నాడు. ఇవి కూడా చూడండి: విరూపాక్షి (పండగ సాయన్న సినిమా,  పండగ సాయన్న (పుస్తకం), హోం విభాగాలు: మహబూబ్‌నగర్ జిల్లా ప్రముఖులు,   = = = = =

Tags: Pandaga Sayanna Biography, పండుగ సాయన్న,