నాథూరాం గాడ్సే (Nathuram Godse)

నాథూరాం గాడ్సే జననం మే 19, 1910 స్వస్థలం బారామతి ప్రత్యేకత గాంధీజీ హంతకుడు మరణం నవంబరు 15, 1949 హిందూ జాతీయవాదిగా, ఆరెస్సెస్ మరియు హిందూమహాసభ కార్యకర్తగా పేరుపొందిన నాథూరాం గాడ్సే మే 19, 1910న మహారాష్ట్రలోని బారామతిలో జన్మించాడు. జనవరి 30, 1948న ఢిల్లీలో జాతిపిత మహాత్మాగాంధీని హత్యచేసి గాంధీజీ హంతకుడిగా పేరుపొందాడు. ఈయనపై విచారణ జరిపి నవంబరు 15, 1949న అంబాలా సెంట్రల్ జైలు (హర్యానా)లో గాడ్సే ఉరిశిక్ష విధించారు బారామతిలో జన్మించిన నాథూరాం అసలుపేరు రామచంద్ర వినాయక్ గాడ్సే. చిన్నవయస్సులో ఈయనను తల్లిదండ్రులు కొన్ని నమ్మకాల కారణంగా ఆడపిల్లగా పోషించారు. ముక్కుకు రింగు కూడా పెట్టారు. దీనివల్ల నాథూరాం అనే పేరువచ్చింది (నాథూరాం అనగా అర్థం ముక్కురింగు). విద్యార్థిదశలోనే ఈయన ఆరెస్సెస్ కార్యకర్తగా చేరారు. ఆ తర్వాత హిందూమహాసభలో కూడా పనిచేశారు. గోల్వార్కర్ లాంటి హిందూజాతీయవాదులతో కలిసి పనిచేశారు. ప్రారంభంలో మహాత్మాగాంధీనీ విపరీతంగా అభిమానించేవారు. 1940 తర్వాత గాంధీ సిద్ధాంతాల నుంచి దూరం జరగడం ఆరంభించి దేశ విభజన తర్వాత గాంధీ ముస్లింల రాజకీయ హక్కులకై పోరాడటం ఈయన్ను కలచివేసింది. ఈ కారణంతోనే గాంధీజీని హతమార్చినట్లుగా ఈయన సోదరుడు గోపాళ్ గాడ్సే పేర్కొన్నాడు. 2015లో "దేశ్‌భక్త్ నాథూరాం గాడ్సే" పేరుతో డాక్యుమెంటరీ నిర్మించబడింది. ఇవి కూడా చూడండి: నాథూరాం గాడ్సే జీవితచరిత్ర || 15 ముఖ్యమైన విషయాలు (యూట్యూబ్ వీడియో), రాష్ట్రీయ స్వయం సేవక్ సంఘ్, హిందూ మహాసభ, మహాత్మాగాంధీ, హోం విభాగాలు: మహారాష్ట్ర వ్యక్తులు,  = = = = =