లింగమనేని (Lingamaneni)

లింగమనేని రాజధాని దేవరకొండ పాలనకాలం క్రీ.శ.15 శతాబ్ది లింగమనాయుడు, లింగభూపతి అని కూడా పిల్వబడే లింగమనేడు దేవరకొండ పాలకుడు. రెండో మాదానేని చిన్న కుమారుడైన లింగమనాయుడు క్రీ.శ.15 శతాబ్దిలో దేవరకొండను పాలించిన ప్రముఖ పాలకుడిగా పేరుపొందాడు. దేచరకొండ రాజ్య చివరి దశలో ఈయనే ప్రముఖ పాలకుడు. తన పాలన కాలంలో లింగమనేడు ఏకధాటిగా 32 దుర్గాలను జయించిన వీరుడిగా పేరుపొందాడు. శ్రీనాథుడు రాచకొండను సందర్శించిన పిదప లింగమనేడు కాలంలో దేవరకొండను కూడా దర్శించి అల్లమ వేమారెడ్డిని జయించిన వీరునిగా లింగమనేడును స్తుతిస్తూ పద్యం రాశాడు. దీన్నిబట్టి క్రీ.శ.15వ శతాబ్ది ప్రారంభంలోనే లింగమనేడు అల్లియ వేమారెడ్డిని ఓడించి రాజమహేంద్రవరాన్ని జయించినట్లుగా తెలుస్తుంది. లింగమనేడు కపిలేశ్వర హజపతితో కలిసి దక్షిణాంధ్ర భూభాగాలకు జయించాడు. శ్రీశైలం, కర్నూలు, నెల్లూరు, చివరికి కంచి వరకు లింగమనేడు జయించాడు. అప్పుడు ఈయన వెంబడిరాచకొండ సర్వజ్ఞ సింగభూపాలుడు కూడా ఉన్నాడు. లింగమనేడు తర్వాత సూరానేడు, పర్వతరావు, కుమార లింగమనేడు దేవరకొండ నామమాత్ర పాలకులైనారు. ఇవి కూడా చూడండి: దేవరకొండ దుర్గం, దేవరకొండ పద్మనాయక రాజ్యం, హోం విభాగాలు: తెలంగాణ పాలకులు, దేవరకొండ రాజ్యం, క్రీ.శ.15వ శతాబ్ది,  = = = = =