నాగాలాండ్ (Nagaland)

రాజధాని కోహిమా వైశాల్యం 16,579 చకిమీ జనాభా 19.80 లక్షలు అధికార భాష ఇంగ్లీష్ నాగాలాండ్ భారతదేశ ఈశాన్యరాష్ట్రాలలో ఒకటి. మయన్మార్ సరిహద్దులో ఉన్న నాగాలాండ్ రాజధాని కోహిమా కాగా పెద్ద పట్టణం దిమాపూర్. 1963లో నాగాలాండ్ 16వ రాష్ట్రంగా అవతరించింది. రాష్ట్రంలో నాగా పర్వతాలు వ్యాపించియున్నాయి. నాగాలాండ్6లో 12 జిల్లాలు, 60 శాసనసభ స్థానాలు, ఒక లోక్‌సభ స్థానం, ఒక రాజ్యసభ స్థానం ఉన్నాయి. రాష్ట్ర అధికార భాష ఇంగ్లీష్. అత్యధిక మతస్థులు క్రైస్తవులు (88%), హిందువులు (9%) రెండోస్థానంలో ఉన్నారు. ప్రజల ముఖ్యవృత్తి వ్యవసాయం. దిమాపూర్‌లో విమానాశ్రయం ఉంది. బ్రిటీష్ వారిపై పోరాడిన రాణి గైడిన్లు, రచయిత హరిప్రసాద్ గోర్ఖా రాయ్ నాగాలాండ్‌కు చెందినవారు. భౌగోళికం: పర్వతమయమైన నాగాలాండ్ రాష్ట్రం భారతదేశ ఈశాన్యరాష్ట్రాలలో తూర్పువైపున మయన్మార్ (బర్మా) దేశ సరిహద్దులో ఉంది. ఉత్తరాన అరుణాచల్ ప్రదేశ్, పశ్చిమాన అస్సాం, దక్షిణాన మణిపూర్, తూర్పున మయన్మార్ సరిహద్దులుగా ఉన్నాయి. 12 జిల్లాలు కల్గిన నాగాలాండ్ రాష్ట్రం 16,579 చకిమీ వైశాల్యంతో దేశంలో 25వ స్థానంలో, 19.80 లక్షల జనాభాతో 25వ స్థానంలో ఉంది. వైశాల్యంలోనూ మరియు జనాభాలోనూ భారతదేశంలోని చిన్న రాష్ట్రాలలో నాగాలాండ్ ఒకటి. చరిత్ర: రెండోప్రపంచయుద్ధం కాలంలో ఇప్పటి నాగాలాండ్ ప్రాంతంలో భీకరపోరాటం జరిగింది. స్వాతంత్ర్యానంతరం అస్సాం ప్రావిన్సులో భాగంగా కొనసాగింది. నాగాహిల్స్ ప్రాంతాన్ని ప్రత్యేక రాష్ట్రంగా చేయాలనే ఉద్యమం కొనసాగింది. 1957 ఒప్పందం అనుసారం నాగాలాండ్ కేంద్రపాలితప్రాంతంగా, 1963లో 16వ రాష్ట్రంగా అవతరించింది. ఇవి కూడా చూడండి: నాగాలాండ్ ముఖ్యమంత్రులు, నాగాలాండ్ గవర్నర్లు, నాగాలాండ్ జిల్లాలు, నాగాలాండ్ ప్రముఖులు, రాణిగైడిన్లు, హోం విభాగాలు: భారతదేశ రాష్ట్రాలు, నాగాలాండ్,  = = = = =