శ్రీనాథుడు (Srinatha)

శ్రీనాథుడు జీవించిన కాలం క్రీ.శ.14-15 శతాబ్ది రంగం తెలుగు కవి, రెడ్డి రాజుల ఆస్థానకవి ప్రముఖ రచనలు పండితారాధ్యచరిత్ర, శృంగారనైషేధం క్రీ.శ.14-15 శతాబ్దికి చెందిన ప్రముఖ తెలుగు కవిగా పేరుపొందిన శ్రీనాథుడు ప్రబంధశైలిలో రచనలు చేయుటలో సిద్ధహస్తుడు. జన్మించిన సంవత్సరం మరియు ప్రాంతం గురించి ఖచ్చితమైన సమాచారం లేకున్ననూ క్రీ.శ.1365-70 మధ్యలో కోస్తాంధ్రలోని కాలపటంలో జన్మించినట్లుగా ఆయన రచనల ద్వారా  కొందరు చరిత్రకారులు, సాహితీవేత్తలు నిర్థారించారు. కవిసార్వభౌముడిగా పేరుపొందిన శ్రీనాథుడు 14 సం.ల వయస్సులోనే మరుత్తరాట్రరిత్ర రాసి తన బాల్యమిత్రుడు ఆవచి తిప్పయశెట్టికి వినిపించాడు. సుమారు 22 సం.లపాటు కొండవీటిని పాలించిన పెదకోమటి వేమారెడ్డి ఆస్థానకవిగా శ్రీనాథుడు పనిచేశాడు. కొండవీటి రెడ్డి రాజుల కులదైవం "కఠారి"ని దేవరకొండ పాలకుడు లింగమనేడు నుంచి తన పాండిత్యంతో చేజిక్కించుకున్నాడు. వాగ్యుద్ధంలో గౌడ డిండిమభట్టును ఓడించి అతని కంచుఢక్కాను పగలగొట్టి విజయనగర రాజ్యంలో కనకాభిషేకం చేయించుకున్నాడు. సర్వజ్ఞ సింగభూపాలుని కాలంలో శ్రీనాథుడు రాచకొండను సందర్శించాడు. తన పాండిత్యంతో రాజస్థానంలో ఎంతో కీర్తిగడించిన శ్రీనాథుడు చివరిదశలో మాత్రం శోకంతో గడిపినట్లుగా ఆయన రచనలే తెల్పుతున్నాయి. క్రీ.శ.1441లో కృష్ణాతీరంలోని బొడ్డేపల్లిలో శ్రీనాథుడు మరణించినట్లుగా తెలుస్తుంది. శ్రీనాథుని రచనలు: పండితారాధ్యచరిత్ర, హరవిలాసం, భీమఖండం, కాశీఖండం, శివరాత్రి మహత్యం, శృంగారనైషేధం, పల్నాటి వీరచరిత్ర, మరుత్తరాట్రరిత్ర, శృంగారదీపిక. గాథాసప్తశతిని ప్రాకృతం నుంచి తెలుగులోకి అనువదించాడు. క్రీడాభిరామం రచన విషయంలో సందిగ్దత ఉంది. కొందరు శ్రీనాథుడు రచించాడనీ మరికొందరు వినుకొండ వల్లభరాయలు రచించాడనీ భిన్నాభిప్రాయాలున్నాయి. బయోపిక్: 1993లో బాపు (సత్తిరాజు లక్ష్మీనారాయణ) దర్శకత్వంలో శ్రీనాథుని బయోపిక్ "శ్రీనాథ కవిసార్వభౌముడు" విడుదలైంది. ఈ సినిమాలో శ్రీనాథునిగా ఎన్టీఆర్, పెదకోమటి వేమారెడ్డిగా మిక్కులినేని నటించారు. ఇవి కూడా చూడండి: తెలుగు కవులు || 25 ముఖ్యమైన ప్రశ్నలు (యూట్యూబ్ వీడియో),  తెలుగు సాహిత్యం || పోటీపరీక్షలలో మళ్ళీమళ్ళీ వచ్చే ప్రశ్నలు (యూట్యూబ్ వీడియో), కొండవీటి రెడ్డి రాజ్యం, శ్రీనాథ కవిసార్వభౌముడు (సినిమా), హోం విభాగాలు: తెలుగు కవులు,  = = = = =