రాహుల్ గాంధీ (Rahul Gandhi)

జననం జూన్ 19, 1970 రంగం రాజకీయాలు పదవులు 5 సార్లు ఎంపి, కాంగ్రెస్ పార్టీ అధ్యక్షుడు, ప్రస్తుత నియో. వయనాడ్ కాంగ్రెస్ పార్టీ అధ్యక్షుడిగాను, ఐదుసార్లు లోక్‌సభ సభ్యుడిగాను ఎన్నికైన రాహుల్ గాంధీ జూన్ 19, 1970న న్యూఢిల్లీలో జన్మించారు. తల్లిదండ్రులు సోనియాగాంధీ, రాజీవ్‌గాంధీ. 1989లో LTTE తీవ్రవాదుల చేతిలో తండ్రి రాజీవ్‌గాంధీ హత్య తర్వాత భద్రతకై ప్లోరిడా లోని రోలిన్స్ కళాశాలలో రావుల్ విన్సీ అనే మారుపేరుతో అభ్యసించారు భారతదేశ రాజకీయాలలో ప్రముఖపాత్ర వహించిన గాంధీ-నెహ్రూ కుటుంబానికి చెందిన రాహుల్ గాంధీ 2004లో రాజకీయాలలో ప్రవేశించి శతాధిక సంవత్సరాల చరిత్ర కల్గిన కాంగ్రెస్ పార్టీకి ప్రధాన కార్యదర్శిగా, ఉపాధ్యక్షుడిగా, అధ్యక్షుడిగా పనిచేశారు. ప్రస్తుతం కేరళలోని వయనాడ్ నియోజకవర్గానికి ప్రాతినిధ్యం వహిస్తున్న రాహుల్ లోక్‌సభకు వరుసగా 5 సార్లు ఎన్నికైనారు. రాహుల్‌గాంధీ అవివాహితుడిగా ఉన్నారు. రాజకీయ ప్రస్థానం: 2004లో రాజకీయాలలో ప్రవేశించిన రాహుల్ గాంధీ అదే ఏడాది అమేథీ నుంచి లోక్‌సభకు ఎన్నికైనారు. అంతకు క్రితం ఈ స్థానానికి తల్లి సోనియాగాంధీ, తండ్రి రాజీవ్ గాంధీ ప్రాతినిధ్యం వహించారు. 2007లో రాహుల్ కాంగ్రె పార్టీ ప్రధాన కార్యదర్శిగా బాధ్యతలు చేపట్టారు. 2009, 2014లలో కూడా రాహుల్ అమేథీ నుంచి ఎన్నికై హాత్రిక్ సాధించారు. 2013లో కాంగ్రెస్ పార్టీ ఉపాధ్యక్షుడిగా, డిసెంబరు 2017లో కాంగ్రెస్ పార్టీ అధ్యక్షుడిగా బాధ్యతలు చేపట్టారు. కాంగ్రెస్ పార్టీ అధ్యక్ష పదవిలో ఉంటూ 2019లో రెండు చోట్ల పోటీచేసి అమేథీ (ఉత్తరప్రదేశ్) నుంచి స్మృతి ఇరానీ చేతిలో ఓడిపోయి, వయనాడ్ (కేరళ) నుంచి లోక్‌సభకు ఎన్నికైనారు. 2019 లోక్‌సభ ఎన్నికలలో రాహుల్ నేతృత్వంలోని కాంగ్రెస్ పార్టీ "చౌకీదార్ చోర్ హై" నినాదంతో, "రాఫెల్ కుంభకోణం" ప్రధాన అస్త్రంగా బరిలోకి దిగి 52 స్థానాలు మాత్రమే సాధించింది (542 స్థానాలకుగాను). జూలై 2019లో లోక్‌సభ ఎన్నికలలో కాంగ్రెస్ పార్టీ ఓటమి తర్వాత అధ్యక్షపదవి త్యజించారు. కుటుంబం: రాహుల్‌గాంధీ భారతదేశ రాజకీయాలలో అత్యంత ప్రముఖమైన గాంధీ-నెహ్రూ కుటుంబానికి చెందిన వ్యక్తి. ముత్తాత జవహర్‌లాల్ నెహ్రూ, నానమ్మ ఇందిరాగాంధీ, తండ్రి రాజీవ్ గాంధీలు ప్రధానమంత్రులుగా పనిచేశారు. పై ముగ్గురితో పాటు ముత్తాత్తాత్త మోతీలాల్ నెహ్రూ, తల్లి సోనియాగాంధీలు కాంగ్రెస్ పార్టీ  అధ్యక్షులుగా కూడా పనిచేశారు. సోదరి ప్రియాంక వాధ్రా ప్రత్యక్ష రాజకీయాలలో లేకున్ననూ పార్టీ తరఫున ప్రచారంలో పాల్గుంటుంది. ఇవి కూడా చూడండి: భారత జాతీయ కాంగ్రెస్, మోతీలాల్ నెహ్రూ, జవహార్‌లాల్ నెహ్రూ, ఇందిరాగాంధీ, రాజీవ్ గాంధీ, సోనియాగాంధీ, మేనకాగాంధీ, వరుణ్ గాంధీ, హోం విభాగాలు: కాంగ్రెస్ పార్టీ నాయకులు,  = = = = =