సుంకిరెడ్డి నారాయణరెడ్డి (Sunkireddy Narayana Reddy)

స్వస్థలం పగిడిమర్రి రంగం చరిత్రకారుడు, రచయిత ప్రముఖ రచన ముంగిలి తెలంగాణ చరిత్రకారునిగా, రచయితగా పేరుపొందిన సుంకిరెడ్డి నారాయణరెడ్డి నల్గొండ జిల్లా కనగల్ మండలం పగిడిమర్రి గ్రామానికి చెందినవారు. ఉస్మానియా విశ్వవిద్యాలయం నుంచి "తెలుగు కవిత్వం-తాత్విక నేపథ్యం" అనే అంశంపై పరిశోధన చేసి 1991లో పీహెచ్‌డీ పొందారు. ముంగిలి రచనకై ద్వానాశాస్త్రి పురస్కారం, తెలంగాణ చరిత్ర రచనకై బీఎస్ శాస్త్రి పురస్కారం పొందారు. నందిని సిద్ధారెడ్డి మరియు మరికొందరు రచయితలతో కలిసి 1998లో తెలంగాణ రైటర్స్ వేదిక ఏర్పాటుచేశారు. ఇది తెలంగాణ సాహిత్యానికి చెందిన తొలి సాంస్కృతిక వేదిక. నల్లగొండలో నీలగిరి సాహితిని స్థాపించి 1992 నుంచి 1998 వరకు ఎందరో యువకవులను, రచయితలను ప్రోత్సహించారు. జలసాధన సమితి పక్షాన తెలంగాణకు జరిగిన అన్యాయాన్ని పలు వేదికల ద్వారా వివరించారు. నారాయణరెడ్డి 2012లో డిగ్రీ కళాశాల ఆచార్యులుగా పనిచేసి పదవీవిరమణ పొందారు. తెలుగు విశ్వవిద్యాలయంచే గౌరవ డాక్టరేట్, 2015లో తెలంగాణ రాష్ట్ర పురస్కారం పొందారు. ఇవి కూడా చూడండి: కనగల్ మండలం, తెలంగాణ చరిత్ర (పుస్తకం), ముంగిలి (పుస్తకం), హోం విభాగాలు: నల్గొండ జిల్లా ప్రముఖులు,   = = = = =