చేతన్ చౌహాన్ (Chetan Chauhan)

చేతన్ చౌహాన్ జననం జూలై 21, 1947 జన్మస్థానం మీరట్ రంగం క్రికెట్, రాజకీయాలు, అంతర్జాతీయ క్రికెట్ ఆడిన కాలం 1969-1981 రాజకీయ పదవులు 2సార్లు ఎంపీ, రాష్ట్ర మంత్రి, మరణం ఆగస్టు 16, 2020 భారత క్రికెట్ క్రీడాకారునిగా పేరుపొందిన చేతన్ చౌహాన్ జూలై 21, 1947న మీరట్‌లో (ఉత్తరప్రదేశ్) జన్మించాడు. 1969-1981 కాలంలో భారత క్రికెట్ జట్టు తరఫున 40 టెస్టులు, 7 వన్డేలలో ప్రాతినిధ్యం వహించాడు. ఈయన 179 ఫస్ట్‌క్లాస్ మ్యాచ్‌లు కూడా ఆడాడు. టెస్ట్ క్రికెట్‌లో ప్రముఖ క్రికెటర్ సునీల్ గవాస్కర్‌తో జతగా ఓపెనింగ్ బ్యాట్స్‌మెన్‌గా రాణించాడు. రంజీట్రోఫిలో చేతన్ చౌహాన్ మహారాష్ట్ర జట్టుకు ప్రాతినిధ్యం వహించాడు. చేతన్ చౌహాన్ ఆగస్టు 16, 2020న గురుగ్రామ్‌ (హర్యానా)లో మరణించారు. క్రికెట్ నుంచి రిటైర్మెంట్ తర్వాత రాజకీయాలలో ప్రవేశించిన చౌహాన్ 1991 మరియు 1998లలో ఉత్తరప్రదేశ్‌లోని అమ్రోహ్ లోకసభ నియోజకవర్గంనుంచి భారతీయ జనతా పార్టీ తరఫున లోకసభకు ఎన్నికయ్యారు. 2016-17లో నేషన్ల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ చైర్మెన్‌గా పనిచేశారు. 2018-20 కాలంలో ఉత్తరప్రదేశ్ రాష్ట్ర క్రీడాశాఖ మంత్రిగా పనిచేశారు.        ఇవి కూడా చూడండి: భారత క్రికెట్ క్రీడాకారులు,  ఉత్తరప్రదేశ్ ప్రముఖులు, హోం విభాగాలు: భారత క్రికెట్ క్రీడాకారులు,  ఉత్తరప్రదేశ్ ప్రముఖులు,  = = = = =