కమలా హారిస్ (Kamala Harris)

జననం అక్టోబరు 20, 1964 రంగం అటార్నీ, రాజకీయాలు, పదవులు సెనేటర్ అమెరికాలో డిస్ట్రిక్ట్ అటార్నీగా, అటార్నీ జనరల్‌గా, సెనేటర్‌గా పనిచేసిన కమలాదేవి హారిస్ అక్టోబరు 20, 1964న కాలిఫోర్నియాలోని ఓక్లాండ్‌లో జన్మించింది. తల్లిదండ్రులిద్దరూ అమెరికాకు వలస వెళ్లినవారే. తండ్రి జమైకా నుంచి అమెరికా వలసవెళ్లగా, తల్లి భారత్ నుంచి అమెరికా వలస వెళ్లింది. తల్లి శ్యామలా గోపాలన్ చెన్నై నగరం నుంచి 1958లో వలసవెళ్ళి అమెరికాలో స్థిరపడింది. కమలా హారిస్ హోవార్డ్ విశ్వవిద్యాలయం నుంచి గ్రాడ్యుయేషన్ పూర్తిచేసి, కాలిఫోర్నియా విశ్వవిద్యాలయం నుంచి న్యాయశాస్త్ర పట్టా పొంది 2004-11 కాలంలో డిస్ట్రిక్ట్ అటార్నీ అధికారిగా పనిచేసింది. ఈ హోదాలో పనిచేసిన తొలి మహిళగా గుర్తింపు పొందింది. 2011-16 కాలంలో కాలిఫోర్నియా అటార్నీ జనరల్‌గా పనిచేస్తూ డెమొక్రటిక్ పార్టీలో నాయకురాలిగా గుర్తింపు పొందింది. 2017లో సెనేటర్‌గా ఎన్నికైంది. ఆగస్టు 13, 2020న అమెరికా అధ్యక్ష ఎన్నికలు-2020లో డెమొక్రటిక్ పార్టీ తరఫున ఈమెను ఉపాధ్యక్ష అభ్యర్థిగా ప్రకటించబడింది.      ఇవి కూడా చూడండి: డెమొక్రటిక్ పార్టీ (అమెరికా), అమెరికా అధ్యక్ష ఎన్నికలు-2020, హోం విభాగాలు: ప్రవాస భారతీయులు,  = = = = =