ఎం.జి.రామచంద్రన్ (M.G. Ramachandran)

జననం జనవరి 17, 1917 జన్మస్థానం కాండి (శ్రీలంక) రంగం సినీనటుడు, రాజకీయ నాయకుడు పదవులు తమిళనాడు ముఖ్యమంత్రి మరణం డిసెంబరు 24, 1987 గుర్తింపులు భారతరత్న(1988) తమిళ సినీనటుడిగా, రాజకీయ నాయకుడిగా ప్రసిద్ధి చెందిన మరుథుర్ గోపాలన్ రామచంద్రన్ జనవరి 17, 1917న శ్రీలంకలోని కాండిలో జన్మించారు. ప్రారంభంలో నాటకాలలో పనిచేసి ఆ తర్వాత సినిమా రంగప్రవేశం చేశారు. సినిమాలలో ఉంటూనే రాజకీయాలలో కూడా స్థానం పొందారు. ఎమ్మెల్సీగా, శాసనసభ్యుడిగా విజయం సాధించి అన్నాదురై మరణం తర్వాత ఏఐఏడిఎంకె పార్టీని స్థాపించి పదేళ్ళపాటు తమిళనాడు ముఖ్యమంత్రి పదవిలో కొనసాగారు. ముఖ్యమంత్రి పదవిలో ఉన్నప్పుడే డిసెంబరు 24, 1987న చెన్నైలో మరణించారు. 1988లో మరణానంతరం ఈయనకు భారతరత్న పురస్కారం ప్రకటించబడింది. ఈయన మరణం తర్వాత మూడో భార్య జానకి రామచంద్రన్ కొంతకాలం ముఖ్యమంత్రిగా పనిచేసింది. సినీ, రాజకీయ ప్రస్థానం: ప్రారంభంలో నాటకాలలో నటించి సినిమాలలో ప్రవేశించిన ఎంజీఆర్‌కు 1936లో సతీలీలావతి సినిమాలో చిన్న పాత్రద్వారా సినిమా అవకాశం లభించింది. 1940-70 కాలంలో ప్రముఖ తమిళ సినీనటుడిగా రాణించారు. 1972లో రిక్షాకరన్ సినిమాలో నటనకై జాతీయ ఫిలిం అవార్డు కూడా పొందారు. సినిమాలలో నటిస్తూనే కాంగ్రెస్ పార్టీ ద్వారా రాజకీయప్రవేశం చేశారు. ఆ తర్వాత అన్నాదురై ప్రభావానికి లోనై 1953లో డీఎంకె పార్టీలో చేరారు. 1962లో డిఎంకె తరఫున విధానమండలికి, 1967లో తొలిసారి శాసనసభకు ఎన్నికయ్యారు. 1968లో తోటినటుడు రాధాకృష్ణన్‌చే ఈయనపై హత్యాహత్నం జరిగింది.   1972లో అన్నాదురై మరణం తర్వాత కరుణానిధితో విబేధించి డిఎంకె నుంచి బయటకు వచ్చి ఏఐఏడిఎంకె పార్టీని స్థాపించారు. 1977లో ఏఐఏడిఎంకె ను విజయపథంలో నడిపించి ముఖ్యమంత్రి పదవిలో కూర్చుని ఈ ఘనత సాధించిన తొలి సినీనటుడిగా అవతరించారు. మధ్యలో కొంతకాలం మినహా 1987లో మరణించేవరకు ముఖ్యమంత్రిగా కొనసాగినారు.    ఈయన మరణం తర్వాత మూడో భార్య జానకి రామచంద్రన్ కొంతకాలం పాటు ముఖ్యమంత్రిగా ఉండగా, ఆ తర్వాత జయలలిత ఏఐఏడిఎంకె పార్టీ అధ్యక్షురాలిగా, ఆ పార్టీ తరఫున ముఖ్యమంత్రిగా పనిచేసింది.     ఇవి కూడా చూడండి: తమిళనాడు ముఖ్యమంత్రుల పట్టిక, భారతరత్న పురస్కార గ్రహీతలు, తమిళనాడు ప్రముఖులు, ఆలిండియా అన్నా ద్రవిడ మున్నేట కజగం, హోం విభాగాలు: తమిళనాడు ముఖ్యమంత్రులు, భారతరత్న పురస్కార గ్రహీతలు, తమిళనాడు ప్రముఖులు, భారతదేశ రాజకీయ నాయకులు,  = = = = =