తుంగభద్ర నది (Tungabhadra River)

జన్మస్థానం కూడ్లి ప్రవహించు రాష్ట్రాలు కర్ణాటక, తెలంగాణ, ఆంధ్రప్రదేశ్ నది పొడవు 531 కిమీ ప్రాజెక్టులు తుంగభద్ర ప్రాజెక్టు ఉపనదులు తుంగ, భద్ర సంగమస్థానం సంగమేశ్వరం కృష్ణానది ఉపనదులలో పెద్దది మరియు ముఖ్యమైనది తుంగభద్ర నది. ఈ నది కర్ణాటకలోని పడమటి కనుమలలో జన్మించిన తుంగ, భద్ర అను రెండు నదుల కలయిక వలన ఏర్పడినది. భౌగోళికంగానే కాకుండా చారిత్రికంగానూ, అధ్యాత్మికంగాను ఈ నదికి ప్రాధాన్యత ఉంది. మధ్యయుగ దక్షిణ భారతదేశ చరిత్రలో వెలిసిన విజయనగర సామ్రాజ్యం ఈ నది ఒడ్డునే వెలిసింది. హంపి, మంత్రాలయం లాంటి పుణ్యక్షేత్రాలు ఈ నది ఒడ్డున వెలిశాయి. ఈ నది పొడవు 531 కిలోమీటర్లు. పశ్చిమ కనుమలలో జన్మించిన తుంగ, భద్ర నదులు కర్ణాటకలోని శిమోగా జిల్లా కూడ్లి వద్ద సంగమించి తుంగభద్ర నదిగా ఏర్పడుతున్నది. కర్ణాటక నుంచి ఆంధ్రప్రదేశ్‌లోని కర్నూలు, తెలంగాణలోని జోగులాంబ గద్వాల జిల్లా సరిహద్దులో ప్రవహిస్తున్నది. జోగులాంబ గద్వాల జిల్లా ఆలంపూర్ సమీపంలోని సంగమేశ్వరం వద్ద తుంగభద్ర నది కృష్ణానదిలో కలుస్తుంది. తుంగభద్రనదిపై తెలంగాణ, కర్టాటక సరిహద్దులో కర్ణాటక భూభాగంలో తుంగభద్ర డ్యాం నిర్మించబడింది. ఇది కర్ణాటకలోని రాయచూరుకు మరియు తెలంగాణ రాష్ట్రం లోని జోగులాంబ గద్వాల జిల్లాకు సాగునీటిని అందిస్తుంది. (కాని కర్ణాటకవారు తెలంగాణకు నీటిని వదలడం లేదు). ప్రతి 12 సంవత్సరాలకు ఒకసారి దేశంలోని అన్ని పుష్కరనదుల వలె తుంగభద్రనదికి కూడా పుష్కరాలు నిర్వహిస్తారు. ఈ నదికి 2008 డిసెంబరులో, 2020 నవంబరు 20నుంచి మళ్ళీ పుష్కరాలు నిర్వహించబడ్డాయి. ఆంధ్రప్రదేశ్‌లో కర్నూలు మరియు తెలంగాణలో జోగులాంబ గద్వాల జిల్లాలలో పుష్కరఘాట్లు ఏర్పాటు చేయబడ్డాయి.      ఇవి కూడా చూడండి: తుంగభద్ర నది || 25 ముఖ్యమైన జనరల్ నాలెడ్జి పాయింట్లు (యూట్యూబ్ వీడియో), భారతదేశ నదులు, కృష్ణానది,     హోం, విభాగాలు: భారతదేశ నదులు, తెలంగాణ నదులు, ఆంధ్రప్రదేశ్ నదులు, ఉమ్మడి మహబూబ్‌నగర్ జిల్లా నదులు, కర్నూలు జిల్లా నదులు, కృష్ణానది, తుంగభద్ర నది,  = = = = = సంప్రదించిన గ్రంథాలు, వెబ్‌సైట్లు: జలవనరులు (రచన- సిద్ధాని నాగభూషణం), మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి),  తెలంగాణ పత్రిక సంచికలు,