మల్లికార్జున్ గౌడ్ (Mallikarjun Goud)

మల్లికార్జున్ గౌడ్ జననం మే 14, 1941 రంగం రాజకీయాలు పదవులు 6 సార్లు ఎంపి, కేంద్రమంత్రి, పిసిసి అధ్యక్షుడు, తెలంగాణకు చెందిన ప్రముఖ రాజకీయనాయకుడు, ప్రత్యేక తెలంగాణ ఉద్యమకారుడిగా పేరుపొందిన డాక్టర్ మల్లికార్జున్ గౌడ్ 1941లో పూర్వ మెదక్ జిల్లా నల్లగండ్లలో జన్మించారు. అభ్యసన దశలోనే ఉస్మానియా విశ్వవిద్యాలయం విద్యార్థిసంఘం నాయకులుగా వ్యవహరించారు. 1967 నుంచే ప్రత్యేక తెలంగాణ రాష్ట్ర సాధనకై మదన్ మోహన్, మర్రి చెన్నారెడ్డిలతో కలిసి ఉద్యమించారు. ఆ తర్వాత రాజకీయాలలో ప్రవేశించి మొత్తం 6 సార్లు లోక్‌సభకు ఎన్నికక్వడమే కాకుండా ఇందిరాగాంధీ, రాజీవ్‌గాంధీ పి.వి.నరసింహారావు మంత్రివర్గాలలో స్థానం పొందారు. డిసెంబరు 24, 2002న మరణించారు. రాజకీయ ప్రస్థానం: 1971లో తొలిసారి తెలంగాణ ప్రజాసమితి తరఫున మెదక్ లోక్‌సభ నియోజకవర్గం నుంచి లోక్‌సభకు ఎన్నికైన మల్లికార్జున్ 1977లో కూడా అదేస్థానం నుంచి కాంగ్రెస్ పార్టీ తరఫున విజయం సాధించారు. 1980లో ఇందిరాగాంధీని మెదక్ రప్పించి తాను మహబూబ్‌నగర్ లోక్‌సభ నియోజకవర్గం నుంచి పోటీచేసి వనపర్తి సంస్థాన మాజీ సంస్థానాధీశుడు రాజా రామేశ్వర్ రావుపై భారీ మెజారిటీతో విజయం సాధించారు. ఆ తర్వాత 1989, 91, 96లలో కూడా మహబూబ్‌నగర్ నుంచి గెలుపొందారు. 1984, 1998లో జైపాల్ రెడ్డి చేతిలో ఓడిపోయారు. 1996-98 కాలంలో ఉమ్మడి ఆంధ్రప్రదేశ్ రాష్ట్ర పిసిసి అధ్యక్షులుగా వ్యవహరించారు. ఇవి కూడా చూడండి: 1969 తెలంగాణ ప్రత్యేక రాష్ట్ర సాధన ఉద్యమం, మెదక్ లోక్‌సభ నియోజకవర్గం, మహబూబ్‌నగర్ లోక్‌సభ నియోజకవర్గం, విభాగాలు: తెలంగాణ రాజకీయ నాయకులు, కేంద్రమంత్రులు, ఆంధ్రప్రదేశ్ పిసిసి అధ్యక్షులు,మెదక్ జిల్లా ప్రముఖులు,  = = = = =

Born in Nallagandla Mallikarjun Medak MP, Mahabubnagar MP, PCC President, Central Minister