నంద్యాల (Nandyal)

నంద్యాల జిల్లా కర్నూలు జనాభా 2.11 లక్షలు పిన్‌కోడ్ 518501 -02 ప్రాచీననామం నందియాల నంద్యాల కర్నూలు జిల్లాకు చెందిన పట్టణము. ఇది పురపాలక సంఘము, రెవెన్యూ డివిజన్ కేంద్రము, అసెంబ్లీ మరియు లోక్‌సభ నియోజకవర్గం కేంద్రముగా ఉంది. నంద్యాలకు పశ్చిమ వైపు నుంచి కుందూనది ప్రవహిస్తోంది. 2011 ప్రకారం నంద్యాల జనాభా 2.11 లక్షలు. ఆంధ్రప్రదేశ్‌లో ఇది 19వ పెద్ద పట్టణం. పింగళి సూరన నంద్యాలలోనే నివశించారు చరిత్ర: నంద్యాల చాలా పురాతనమైన చరిత్రను కల్గియుంది. ఉత్తర భారతదేశాన్ని ఏలిన నందవంశపు నాటి ఒక వ్యక్తి ఇక్కడికి వచ్చి నవనందులను ప్రతిష్టించినట్లుగా, తద్వారా నందియాలగా పేరువచ్చినట్లుగా, అదే క్రమేణా నంద్యాల అయినట్లుగా చారిత్రక కథనం వ్యాప్తిలో ఉంది. ఆ తర్వాత విజయనగరరాజుల పాలనలో వచ్చే వరకు నంద్యాల చరిత్ర గురించి ఆధారాలు లేవు. విజయనగర రాజుల తర్వాత ఈ ప్రాంతాన్ని బీజాపూర్ సుల్తానులు, గోల్కొండ సుల్తానులు పాలించగా 1800లో సైన్యసహకార ఒడంబడిక ప్రకారం బ్రిటీష్ వారికి ధారాదత్తం చేసిన దత్తమండలం (సీడెడ్ జిల్లా)లో భాగమై బ్రిటీష్ వారి అధీనంలోకి వచ్చింది. 1899లో నంద్యాల పురపాలక సంఘంగా మారింది. బ్రిటీష్ కాలంలో మద్రాసు ప్రెసైడెన్షీలో భాగంగా ఉండగా, స్వాతంత్ర్యానంతరం మద్రాసు రాష్ట్రంలో భాగమైంది. 1953లో ఆంధ్రరాష్ట్రంలో, 1956లో ఆంధ్రప్రదేశ్‌లో భాగమై, 2014 నుంచి విభజిత ఆంధ్రప్రదేశ్‌లో ఉంది. రవాణా సౌకర్యాలు: 1890లో నంద్యాలకు రైలుమార్గం ఏర్పడింది. ప్రస్తుతం నంద్యాల జంక్షన్ గుంటూరు డివిజన్‌లో భాగంగా దక్షిణ మధ్యరైల్వే జోన్‌లో ఉంది. జాతీయ రహదారి నెం 18 (కొత్తపేరు నెం 40) నంద్యాల మీదుగా వెళ్ళుచున్నది. రాజకీయాలు: నంద్యాల అసెంబ్లీ మరియు లోక్‌సభ నియోజకవర్గం కేంద్రంగా ఉంది. పివి నరసింహరావు ప్రధానమంత్రిగా నంద్యాల నియోజకవర్గానికి ప్రాతినిధ్యం వహించారు. పెండేకంటి వెంకటసుబ్బయ్య ఇకడి నుంచి 6 సార్లు విజయం సాధించారు. 1977లో నీలం సంజీవరెడ్డి గెలిచారు. ఇవి కూడా చూడండి: కర్నూలు జిల్లా, నంద్యాల పురపాలక సంఘము, నంద్యాల అసెంబ్లీ నియోజకవర్గం, నంద్యాల లోక్‌సభ నియోజకవర్గం, కుందూనది, హోం విభాగాలు: ఆంధ్రప్రదేశ్ పట్టణాలు, కర్నూలు జిల్లా,  = = = = =