24, జనవరి 2013, గురువారం

షాద్‌నగర్ మండలము (Shadnagar Mandal)

జిల్లా రంగారెడ్డి జిల్లా
రెవెన్యూ డివిజన్ షాద్‌నగర్
జనాభా97063 (2001)
112458 (2011)
అసెంబ్లీ నియోజకవర్గంషాద్‌నగర్
లోకసభ నియోజకవర్గంమహబూబ్‌నగర్
పర్యాటక ప్రాంతాలురాయికల్
ముఖ్య పంటలువరి
మండల ప్రముఖులుబూర్గుల రామకృష్ణారావు,
బి.సత్యనారాయణ రెడ్డి
షాద్‌నగర్ రంగారెడ్డి జిల్లాకు చెందిన మండలము. 44వ నెంబరు జాతీయ రహదారి (పాత పేరు 7వ), సికింద్రాబాదు-డోన్ రైలుమార్గం కూడా మండలం గుండా వెళ్ళుచున్నవి. షాద్‌నగర్, బూర్గుల మండలంలోని రైల్వేస్టేషన్లు. హైదరాబాదు రాష్ట్రానికి ముఖ్యమంత్రిగా పనిచేసిన బూర్గుల రామకృష్ణారావు, గవర్నరుగా పనిచేసిన బి.సత్యనారాయణ రెడ్డి ఈ మండలమునకు చెందినవారే. జాతీయ స్థాయిలో పలుమార్లు ఉత్తమ గ్రామపంచాయతీగా అవార్డులు పొందిన హాజీపల్లి ఈ మండలంలోనిదే. ఇది షాద్‌నగర్ రెవెన్యూ డివిజన్ పరిధిలోకి వస్తుంది. ఈ మండలం పండ్ల ఉత్పత్తికి ప్రసిద్ధి చెందినది. ఏనుగుల వీరస్వామి కాశీయాత్రలో భాగంగా ఈ మండలం మీదుగా వెళ్ళినారు. ఒక రాత్రి మండలకేంద్రంలో బసచేసినారు.

సరిహద్దులు:
ఈ మండలమునకు ఉత్తరమున షాబాద్ మండలం మరియు నందిగామ మండలం, తూర్పున కేశంపేట మండలం, పశ్చిమాన కొందుర్గ్ మండలం, దక్షిణాన మహబూబ్‌నగర్ జిల్లా సరిహద్దులుగా ఉన్నాయి.

జనాభా:
2001 లెక్కల ప్రకారం మండల జనాభా 97063. ఇందులో పురుషులు 49665, మహిళలు 47398.
2011 లెక్కల ప్రకారం మండల జనాభా 112458. ఇందులో పురుషులు 57299, మహిళలు 55159. పట్టణ జనాభా 45603, గ్రామీణ జనాభా 66855. 2011 జనాభా ప్రకారం ఈ మండలం జనాభాలో జిల్లాలో మూడవ స్థానంలో ఉంది. అక్షరాస్యత శాతం 68.80%. ఇది జిల్లాలో అత్యధిక అక్షరాస్యత శాతం కల మండలాలలో రెండవ స్థానంలో ఉంది.

రవాణా సౌకర్యాలు:
44వ నెంబరు జాతీయ రహదారి మండలం మీదుగా వెళ్ళుచున్నది. బైపాస్ రహదారి వల్ల మండల కేంద్రానికి జాతీయరహదారి దూరమైననూ బస్సులు మండల కేంద్రం నుంచే వెళతాయి. 44 వ నెంబరు మరియు 65 వ నెంబరు జాతీయ రహదారులకు కలిపే షాద్ నగర్-కంది రహదారి ఇక్కడి నుంచే ప్రారంభమౌతుంది. షాద్ నగర్ నుంచి ఆమనగల్ వైపు కూడా రహదారి సౌకర్యం ఉంది. సికింద్రాబాదు-డోన్ రైలుమార్గం కూడా మండలం నుంచి వెళ్ళుచున్నది. షాద్ నగర్, బూర్గులలో రైల్వేస్టేషన్లు ఉన్నాయి.

షాద్ నగర్ నియోజకవర్గంలో
షాద్ నగర్ మండల స్థానం (గులాబి రంగు)
రాజకీయాలు:
ఈ మండలము షాద్‌నగర్ అసెంబ్లీ నియోజకవర్గం, మహబూబ్ నగర్ లోకసభ నియోజకవర్గంలో భాగంగా ఉంది. నియోజకవర్గాల పునర్వ్యవస్థీకరణకు ముందు ఈ మండలము నాగర్ కర్నూల్ లోకసభ నియోజకవర్గంలో ఉండేది. 2001 జడ్పీటీసి ఎన్నికలలో తెలుగుదేశం పార్టీకి చెందిన కె.సూర్యప్రకాష్, 2006 జడ్పీటీసి ఎన్నికలలో తెలుగుదేశం పార్టీకి చెందిన ఆకుల సుహాసిని విజయం సాధించారు.చౌలపల్లి ప్రతాపరెడ్డి 1995-2001 కాలంలో షాద్‌నగర్ జడ్పీటీసిగా పనిచేశారు. 2014లో ఎంపీపీగా కాంగ్రెస్ పార్టీకి చెందిన ఎ.బుజ్జి ఎన్నికయ్యారు.

విద్యాసంస్థలు:
2008-09 నాటికి మండలంలో 87 ప్రాథమిక పాఠశాలలు (71 మండల పరిషత్తు, 1 ప్రైవేట్ ఎయిడెడ్, 15 ప్రైవేట్ అన్-ఎయిడెడ్), 26 ప్రాథమికోన్నత పాఠశాలలు (15 మండల పరిషత్తు, 1 ప్రైవేట్ ఎయిడెడ్, 10 ప్రైవేట్ అన్-ఎయిడెడ్), 28 ఉన్నత పాఠశాలలు (2 ప్రభుత్వ, 10 జడ్పీ, 16 ప్రైవేట్), 8 జూనియర్ కళాశాలలు (2 ప్రభుత్వ, 6 ప్రైవేట్) ఉన్నవి.

అధ్యాత్మికత:
షాద్‌నగర్ పట్టణంలో శ్రీవెంకటేశ్వరస్వామి ఆలయం కాకుండా నలుదిక్కులా పేరుపొందిన ఆలయాలున్నాయి. దక్షిణాన రాయికల్‌లో శ్రీరామలింగేశ్వరస్వామి ఆలయం, తూర్పున కన్యకాపరమేశ్వరి ఆలయం, ఉత్తరాన వెంకటేశ్వరస్వామి అలయం, పడమరన పోచమ్మ ఆలయాలు ఉన్నాయి.

మండల ప్రముఖులు:
 
వ్యవసాయం, నీటిపారుదల:
మండలం మొత్తం విస్తీర్ణం 26735 హెక్టార్లలో 19% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంట వరి. మొక్కజొన్న, కందులు, జొన్నలు, ప్రత్తి కూడా పండిస్తారు. మండల సాధారణ వర్షపాతం 721 మిమీ. మండలంలో సుమారు 2900 హెక్టార్లకు నీటిపారుదల సౌకర్యం ఉంది.

కాలరేఖ:
  • 1959 అక్టోబరు 2: రాష్ట్రంలోనే తొలిసారిగా షాద్‌నగర్‌లో జవహార్‌లాల్ నెహ్రుచే పంచాయతి సమితి ప్రారంభం జరిగింది.
  • 2002, నవంబరు 14: మైక్రోసాఫ్ట్ అధినేత బిల్‌గేట్స్ షాద్‌నగర్ సందర్శించారు.
  • 2009, మే 3: స్వాతంత్ర్య సమరయోధుడు, విద్యావేత్త ఎస్.కె.రంగారావు మరణించారు.
  • 2002 నవంబరు 14: షాద్‌నగర్‌ను మైక్రోసాప్ట్ అధినేత బిల్ గేట్స్ సందర్శించారు.
  • 2012 జనవరి 6: షాద్‌నగర్‌ను 3వ శ్రేణి పురపాలక సంఘంగా గుర్తిస్తూ ప్రభుత్వం ఉత్తర్వు జారీ
  • 2016, అక్టోబరు 11: జిల్లాల పునర్వ్యవస్థీకరణలో భాగంగా ఈ మండలం మహబూబ్‌నగర్ జిల్లా నుంచి రంగారెడ్డి జిల్లాలో చేరింది. అదే సమయంలో మండలకేంద్రం రెవెన్యూ డివిజన్‌గా మారింది.


విభాగాలు: రంగారెడ్డి జిల్లా మండలాలు,  షాద్‌నగర్ మండలము, షాద్‌నగర్ రెవెన్యూ డివిజన్, షాద్‌నగర్ అసెంబ్లీ నియోజకవర్గం
= = = = =
సంప్రదించిన పుస్తకాలు, వెబ్‌సైట్లు:
  • Handbook of Statistics, Mahabubnagar Dist, 2008,
  • Handbook of Census Statistics, Mahabubnagar Dist, 2001,
  • Census of India 2011, Provistional Population Totals, Part 2, Volume 2 of 2011.
  • మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి),
  • బ్లాగు రచయిత సందర్శించి తెలుసుకున్న, సేకరించిన సమాచారం,


Tags:Farriqnagar Mandal in telugu, Shadnagar Mandal information in Telugu, Rangareddy Dist Mandals information in Telugu, Burgula in telugu,

వ్యాఖ్యలు లేవు:

వ్యాఖ్యను పోస్ట్ చెయ్యండి

Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక