కోవ లక్ష్మి (Kova Lakshmi)

కోవ లక్ష్మి జననం ఫిబ్రవరి 6, 1969 జిల్లా కొమురంభీం పదవులు ఎమ్మెల్యే, జడ్పీ చైర్మెన్, కొమురంభీం ఆసిఫాబాదు జిల్లాకు చెందిన రాజకీయ నాయకురాలైన కోవలక్ష్మి ఫిబ్రవరి 6, 1969న వాంకిడి మండలం బంబారలో జన్మించారు. ఎంపీటీసిగా, సర్పంచిగా పనిచేసి అంచెలంచెలుగా ఎదుగుతూ 2019లో కొమురంభీం జిల్లా జడ్పీ చైర్మెన్ అయ్యారు. తండ్రి కొట్నాక భీంరావు రాష్ట్ర మంత్రిగా పనిచేశారు. రాజకీయ ప్రస్థానం: కోవలక్ష్మి 1995లో తెలుగుదేశం పార్టీ ద్వారా రాజకీయ ప్రస్థానం ప్రారంభించారు. 1995లో తిర్యాణి మండలం పంగిడి మాదర ఎంపీటీసిగా విజయం సాధించారు. 2001లో కూడా ఇదేస్థానం నుంచి విజయం సాధించి ఎంపిపి అయ్యారు. 2006లో ఆసిఫాబాదు సర్పంచిగా పోటీచేసి గెలిచారు. ఇదే సమయంలో తెలుగుదేశం పార్టీ రాష్ట్ర మహిళా కార్యదర్శిగా కూడా బాధ్యతలు నిర్వహించారు. 2010లో తెలుగుదేశం పార్టీకి రాజీనామా చేసి తెలంగాణ రాష్ట్ర సమితి పార్టీలో చేరారు. 2013లో తెరాస తరఫున ఆసిఫాబాదు సర్పంచిగా మళ్ళీ ఎన్నికయ్యారు. 2014లో ఆసిఫాబాదు నుంచి ఎమ్మెల్యేగా విజయం సాధించి తొలిసారి శాసనసభలో ప్రవేశించారు. 2018లో ఆసిఫాబాదు నుంచి పోటీచేసి స్వల్పతేడాతో పరాజయం పొందారు. 2019 జడ్పీటీసి ఎన్నికలలో జైనూర్ జడ్పీటీసిగా విజయం సాధించి జిల్లాపరిషత్తు చైర్మెన్ స్థానం పొందారు. ఇవి కూడా చూడండి: కొమురం భీం ఆసిఫాబాదు జిల్లా, వాంకిడి మండలం, ఆసిఫాబాదు అసెంబ్లీ నియోజకవర్గం, కొమురంభీం జిల్లా పరిషత్తు, హోం విభాగాలు: తెలంగాణ రాజకీయ నాయకులు, జిల్లా పరిషత్తు చైర్మెన్లు,కొమురంభీం జిల్లా ప్రముఖులు,  = = = = =