రాస్ బిహారి బోస్ (Rash Behari Bose)

రాస్ బిహారి బోస్ జననం మే 25, 1886 రంగం జాతీయోద్యమం మరణం జనవరి 21, 1945 భారత స్వాతంత్ర్యోద్యమంలో విప్లవ పోరాటయోధునిగా పేరుపొందిన రాస్ బిహారి బోస్ మే 25, 1886న ఇప్పటి పశ్చిమబెంగాల్‌లోని సుబల్‌గహ గ్రామంలో జన్మించాడు. రాసు అనే ముద్దుపేరుతో పిల్వబడిన బోస్ ప్రారంభంలో డెహ్రాడున్‌లో ఫారెస్ట్ రీసెర్చి ఇన్‌స్టిట్యూట్‌లో పనిచేస్తూ జుగంతార్ సభ్యులతో స్నేహం పెంచుకున్నాడు. 1912లో ఢిల్లీలో వైశ్రాయి హార్జింగ్ హత్యకు పథకం వేశాడు. ఏనుగు అంబారీపై ఊరేగుతూ వస్తున్న హార్జింగ్‌పై బసంత్ విశ్వాస్‌తో బాలిక వేషంలో బాంబులు విరిరించాడు. కాని హార్జింగ్ తప్పించుకున్నాడూ. హార్జింగ్‌పై హత్యోదంతం విఫలమైనాక అజ్ఞాతంలోకి వెళ్ళి, తర్వాత ఠాకూర్ అనే కవి వేషంతో జపాన్ పారిపోయాడు. 1922లో జపాన్ పౌరసత్వం తీసుకొని జపానీస్ భాష నేర్చుకొని రచయితగా, జర్నలిస్టుగా భారత వాస్తవాలు ప్రచారం చేశాడు. జపానీస్ వనిత తొషికోను వివాహం చేసుకొని అక్కడే రెస్టారెంట్ ప్రారంభించి భారతీయ వంటకాలను అమ్మాడు. భారతీయ వంతకాలతో ప్రసిద్ధి చెంది "బోస్ ఆఫ్ నకమరయ"గా ప్రసిద్ధి చెందాడు. ఆగస్టు 1, 1926న జపాన్‌లో ఆసియా దేశాల ప్రతినిధుల గోష్ఠిని నిర్వహించాడు. 1926లో పాన్ ఆసియన్ అసోసియేషన్ నెలకొల్పాడు. జపాన్‌లో హిందూ మహాసభ జపాన్ శాఖను ప్రారంభించి దానికి వ్యవస్థాపక అధ్యక్షుడిగా వ్యవహరించారు. ఇండియన్ నేషన్ల్ ఆర్మీ (ఆజాద్ హింగ్ ఫౌజ్) స్థాపించి తర్వాత దాని బాధ్యతలు సుభాష్ చంద్రబోస్‌కు అప్పగించాడు. జనవరి 21, 1945న టోక్యోలో మరణించాడు. ఇవి కూడా చూడండి: జుగంతార్ సంస్థ, ఇండియన్ నేషనల్ ఆర్మీ, హోం విభాగాలు: భారత స్వాతంత్ర్య సమరయోధులు,   = = = = =