ములాయం సింగ్ యాదవ్ (Mulayam Singh Yadav)

జననం నవంబరు 11, 1939 రంగం రాజకీయాలు పదవులు 3సార్లు UP ముఖ్యమంత్రి, కేంద్రమంత్రి, ప్రముఖ రాజకీయ నాయకుడు, సమాజ్‌వాది పార్టీ స్థాపకుడు అయిన ములాయం సింగ్ యాదవ్ నవంబరు 11, 1939న ఉత్తరప్రదేశ్‌లోని ఎటావా జిల్లా సైఫై గ్రామంలో జన్మించారు. 1975లో అత్యవసర పరిస్థితి కాలంలో ఇందిర అకృత్యాలపై ఉద్యమించి 19 నెలలు జైలులో ఉన్నారు. 1980లో లోక్‌దళ్ పార్టీ ఉత్తరప్రదేశ్ రాష్ట్ర అధ్యక్షులుగా, 1982-85 కాలంలో ఉత్తరప్రదేశ్ విధానమండలి ప్రతిపక్ష నాయకుడిగా వ్యవహరించారు. 1989-91 మరియు 1993-95 కాలంలో ఉతరప్రదేశ్ ముఖ్యమంత్రిగా పనిచేశారు. 1992లో సమాజ్‌వాది పార్టీని స్థాపించారు. 1996-98 కాలంలో నేషనల్ ఫ్రంట్ ప్రభుత్వం సమయంలో (దేవెగౌడ, ఐ.కె.గుజ్రాల్ ప్రధానమంత్రుల కాలంలో) కేంద్ర రక్షణశాఖ మంత్రిగా పదవిపొందారు. 2003-07 కాలంలో మూడోసారి ముఖ్యమంత్రిగా వ్యవహరించారు. కుమారుడు అఖిలేశ్ యాదవ్ 2012-17 కాలంలో ఉత్తరప్రదేశ్ ముఖ్యమంత్రిగా పనిచేశారు. ఇవి కూడా చూడండి: అఖిలేష్ యాదవ్, ఉత్తరప్రదేశ్ ముఖ్యమంత్రుల పట్టిక, హోం విభాగాలు: ఉత్తరప్రదేశ్ ముఖ్యమంత్రులు, కేంద్రమంత్రులు, ఉత్తరప్రదేశ్ ప్రముఖులు,  = = = = =