జశ్వంత్ సింగ్ (Jaswant Singh)

జననం జనవరి 3, 1938 రంగం రాజకీయాలు పదవులు 9సార్లు ఎంపి, కేంద్రమంత్రి, మరణం సెప్టెంబరు 27, 2020 ప్రముఖ రాజకీయ నాయకుడిగా పేరుపొందిన జశ్వంత్ సింగ్ జనవరి 3, 1938న రాజస్థాన్‌లోని జసోల్‌లో జన్మించారు. సైన్యంలో వివిధ హోదాలలో పనిచేసి పదవీవిరమణ పొంది జనసంఘ్ పార్టీ ద్వారా రాజకీయాలలో చేరిన జశ్వంత్ సింగ్ 5 సార్లు రాజ్యసభకు, 4 సార్లు లోక్‌సభకు ఎన్నిక కావడమే కాకుండా వాజపేయి హయంలో రక్షణ, ఆర్థిక, విదేశాంగ మంత్రిగా పనిచేశారు. ప్రణాళిక సంఘం ఉపాధ్యక్షుడిగా, రాజ్యసభలో ప్రతిపక్షనాయకుడిగానూ వ్యవహరించారు. 2012లో ఎన్డీఏ తరఫున ఉప రాష్ట్రపతి పదవికి పోటీచేశారు. 2014ఎన్నికలలో పోటీచేయడానికి సీటు లభించనందున భాజపాకు దూరమైనారు. జశ్వంత్ సింగ్ సెప్టెంబరు 27, 2020న ఢిల్లీలో మరణించారు. కుమారుడు మానవేంద్రసింగ్ కూడా రాజకీయ నాయకుడిగా పేరుపొందారు. రాజకీయ ప్రస్థానం: 1960లోనే జనసంఘ్ పార్టీ ద్వారా రాజకీయాలలో చేరిన జశ్వంత్ సింగ్ 1980లో అవతరించిన భాజపా వ్యవస్థాపక సభ్యులలో ఒకరు. 5 సార్లు రాజ్యసభకు (1980, 1986, 1998, 1999, 2004), 4 సార్లు లోక్‌సభకు (1990, 1991, 1996, 2009) ఎన్నికయ్యారు. 1998-99లో ప్రణాళిక సంఘం ఉపాధ్యక్షుడిగా, 2004-09 కాలంలో రాజ్యసభలో ప్రతిపక్ష నాయకుడిగా వ్యవహరించారు. అటల్ బిహారి వాజపేయి హయంలో రక్షణ, ఆర్థిక, విదేశాంగ మంత్రిగా పనిచేశారు. 1999లో ఉగ్రవాదులు విమానాన్ని కాందహార్‌కు హైజాక్ చేసినప్పుడు ఉగ్రవాదులతో ఈయనే చర్చలు జరిపారు. 2012లో ఉప రాష్ట్రపతి ఎన్నికలలో ఎన్డీఏ అభ్యర్థిగా పోటీచేసి యుపిఏ అభ్యర్థి హమీద్ అన్సారి చేతిలో ఓడిపోయారు. Jinnah: India-Partition-Independence లో జిన్నాపై సానుభూతి చూపినందుకు పార్టీ నుంచి విమర్శలు ఎదుర్కొన్నారు. 2014లో పార్టీ టికెట్ లభించలేదు, ఇండిపెండెంటుగా పోటీచేసి ఓడిపోయారు. ఆ తర్వాత భాజపాకు దూరమైనారు. ఇవి కూడా చూడండి: కేంద్ర ఆర్థికమంత్రులు, రాజస్థాన్ ప్రముఖులు, హోం విభాగాలు: కేంద్ర ఆర్థికమంత్రులు, రాజస్థాన్ ప్రముఖులు, 2020,  = = = = =