మేఘాలయ (Meghalaya)

అవతరణ జనవరి 21, 1972 రాజధాని షిల్లాంగ్ జిల్లాల సంఖ్య 11 అధికార భాష ఇంగ్లీష్ ఈశాన్య భారత రాష్ట్రమైన మేఘాలయ 1972లో రాష్ట్రంగా అవతరించింది. 22,429 చకిమీ వైశాల్యం, 29.64 లక్షలు (2011 ప్రకారం) జనాభా కల్గిన మేఘాలయ రాష్ట్ర రాజధాని మరియు పెద్ద పట్టణం షిల్లాంగ్.  రాష్ట్రానికి అస్సాం మరియు బంగ్లాదేశ్ సరిహద్దులుగా ఉన్నాయి. వర్షపాతానికి పేరుగాంచిన చిరపుంజి, మౌసిన్రాం, ప్రముఖ కొండలు గారో, ఖాసి, జయంతికలు, నోక్రెస్ బయోస్పియర్ రిజర్వ్  ఈ రాష్ట్రంలో ఉన్నాయి. ప్రముఖ రచయిత్రి అరుంధతిరాయ్, లోకసభ స్పీకరుగా పనిచేసిన పి.ఏ.సంగ్మా, భారత ప్రధాన ఎన్నికల కమీషనర్ పదవి చేపట్టిన జె.ఎం.లింగ్డో ఈ రాష్ట్రానికి చెందినవారు. అధికార భాష ఇంగ్లీష్. మేఘాలయాలో 11 జిల్లాలు, 60 శాసనసభ స్థానాలు, 2 లోక్‌సభ స్థానాలు, ఒక రాజ్యసభ స్థానం ఉంది.   భౌగోళికం: మేఘాలయ ఈశాన్య భారతంలో అస్సాంకు దిగువన బంగ్లాదేశ్ సరిహద్దులో ఉంది. రాష్ట్రం పేరు మేఘాలయాకు అర్థం మేఘాల నిలయంకు తగ్గట్టుగా దేశంలో వర్షపాతానికి ఈ రాష్ట్రం ప్రసిద్ధి. రాష్ట్ర వైశాల్యం 22,429 చకిమీ కాగా జనాభా 29.64 లక్షలు. వైశాల్యంలో మరియు జనాభాలో ఇది దేశంలో 22వ స్థానంలో ఉంది. గారో, ఖాసీ, జయంతిక కొండలు ఈ రాష్ట్రపు ప్రధాన కొండలు, రాష్ట్ర వైశాల్యంలో సుమారు 70% అడవులు వ్యాపించియున్నాయి. ఇక్కడ వర్షపాతం చాలా అధికం. ప్రపంచంలోనే అత్యధిక వర్షపాతం కురిసే ప్రాంతాలైన మౌసిన్రాం, చిరపుంజిలు ఈ రాష్ట్రంలో ఉన్నాయి. జనాభాలో సుమారు 74% క్రైస్తవులు, 11% హిందువులున్నారు.   చరిత్ర: కొత్తరాతియుగం కాలం నుంచే ఇక్కడ ప్రజలు నివశించినట్లు ఆధారాలు లభించాయి. ఆధునిక కాలంలో బ్రిటీష్ పాలన వచ్చే వరకు గారో, ఖాసీ, జయంతితా తెగలు స్వంత పాలన అధికారం కల్గియున్నారు. 1835లో ఇది అస్సాంలో భాగమైంది. 1905లో బెంగాల్ విభజన సమయంలో కొత్తగా ఏర్పడిన తూర్పు బెంగాల్ ప్రావిన్సులో చేరి బెంగాల్ విభజన రద్దు తర్వాత మళ్ళీ అస్సాం ప్రావిన్సులో భాగమైంది. స్వాతంత్ర్యానంతరం అస్సాం రాష్ట్రంలో భాగంగా మారి ఆ తర్వాత ప్రత్యేక ప్రతిపత్తి న్న ఉప రాష్ట్రంగా, 1972లో 22వ రాజ్యాంగ సవరణ ద్వారా ప్రత్యేక రాష్ట్రంగా అవతరించింది.   ఆర్థికం: మేఘాలయాలో ప్రజల ప్రధాన జీవనాధారం వ్యవసాయం. రాష్ట్రం వ్యవసాయ ఆధారిత పరిశ్రమలు ఉన్నాయి. వ్యవసాయం ఎక్కువగా ఝమ్‌ (షిఫ్టింగ్) పద్దతిలో సాగుతుంది. అనగా సారం తగ్గిన తర్వాత మరోచోటికి వలస వెళ్తారు.      ఇవి కూడా చూడండి: భారతదేశ రాష్ట్రాలు, మేఘాలయ ప్రముఖులు, మేఘాలయ ముఖ్యమంత్రులు, మేఘాలయ గవర్నర్లు, మేఘాలయ జిల్లాలు, మేఘాలయ కాలరేఖ, హోం విభాగాలు: భారతదేశ రాష్ట్రాలు, మేఘాలయ,  = = = = =