మధురాంతకం రాజారాం (Madhurantakam Rajaram)

మధురాంతకం రాజారాం జననం అక్టోబరు 5, 1930 రంగం కథా రచయిత పురస్కారాలు కేంద్ర సాహిత్య అకాడమి అవార్డు మరణం ఏప్రిల్ 1, 1999 ప్రముఖ కథా రచయితగా పేరుపొందిన మధురాంతకం రాజారాం అక్టోబరు 5, 1930న చిత్తూరు జిల్లా పాకాల మండలం మొగరాల/దామల్‌చెరువులో జన్మించారు. వృత్తిరీత్యా ఉపాధ్యాయుడుగా పనిచేసిన రాజారాం తన జీవితంలో 400కు పైగా కథలు, 2 నవలలు రచించారు. ఈయన కుమారులు మధురాంతకం నరేంద్ర, మధురాంతకం మహేంద్రలు కూడా రచయితలుగా పేరుపొందారు. ఈయన కథా రచనలు పలు భాషలలో అనువాదం అయ్యాయి. చిన్ని ప్రపంచం-సిరివాడ నవల రష్యన్ భాషలోకి అనువాదం చేయబడింది. ఈయన ముఖ్యమైన రచన "మధురాంతకం రాజారాం కథలు". మధురాంతకం జీవితం ఆధారంగా సింగమనేని నారాయణ పుస్తకం రాశారు (2013లో ఈ పుస్తకానికి సాహిత్య అకాడమి అవార్డు లభించింది). రాజారాం ఏప్రిల్ 1, 1999న తిరుపతిలో మరణించారు. పురస్కారాలు: 1968లో ఉత్తమ కథకుడిగా ఆంధ్రప్రదేశ్ సాహిత్య అకాడమి అవార్డు పొందారు (తాను వెలిగించిన దిపాలు రచన). 1993లో మధురాంతకం రాజారాం కథలు పుస్తకానికి కేంద్ర సాహిత్య అకాడమి అవార్డు లభించింది. 1991లో గోపీచంద్ సాహితీ సన్మానం పొందారు. 1994లో శ్రీకృష్ణదేవరాయ విశ్వవిద్యాలయంచే గౌరవ డాక్టరేట్ పొందారు. ఇవి కూడా చూడండి: ప్రముఖ తెలుగు సాహితీవేత్తలు, పాకాల మండలం (చిత్తూరు జిల్లా), తెలుగులో కేంద్ర సాహిత్య అకాడమీ పురస్కార గ్రహీతలు, చిత్తూరు జిల్లా ప్రముఖులు, అక్టోబరు 5 (చరిత్రలో ఈ రోజు), ఏప్రిల్ 1, (చరిత్రలో ఈ రోజు), హోం విభాగాలు: ప్రముఖ తెలుగు సాహితీవేత్తలు, చిత్తూరు జిల్లా ప్రముఖులు, కేంద్ర సాహిత్య అకాడమి అవార్డు గ్రహీతలు,  = = = = =