16, జూన్ 2013, ఆదివారం

మెదక్ లోకసభ నియోజకవర్గం (Medak Loksabha Constituency)

 మెదక్ లోకసభ నియోజకవర్గం
జిల్లామెదక్
ప్రస్తుత ఎంపికొత్త ప్రభాకర్ రెడ్డి
పార్టీతెలంగాణ రాష్ట్ర సమితి


తెలంగాణలోని 17 లోకసభ నియోజకవర్గాలలో ఇది ఒకటి. ఈ లోకసభ నియోజకవర్గంలో మెదక్ జిల్లాకు చెందిన 7 అసెంబ్లీ నియోజకవర్గ సెగ్మెంట్లు ఉన్నాయి. 1980లో ఇందిరాగాంధీ ఇక్కడి నుంచే విజయం సాధించింది. కాంగ్రెస్ పార్టీకి చెందిన బాగారెడ్డి వరసగా 4 సార్లు గెలుపొందినారు.2014లో జరిగిన 16వ లోకసభ ఎన్నికలలో ఈ నియోజకవర్గం నుంచి తెలంగాణ రాష్ట్ర సమితి పార్టీకి చెందిన కె.చంద్రశేఖర్ రావు ఎన్నికై ఆ తర్వాత రాజీనామా చేయడంతో మళ్ళీ ఉప ఎన్నికలు జరిగాయి. ప్రస్తుతం తెరాసకు చెందిన కొత్త ప్రభాకర్ రెడ్డి ఈ నియోజకవర్గానికి ప్రాతినిధ్యం వహిస్తున్నారు.

దీని పరిధిలోని అసెంబ్లీ నియోజకవర్గాలు
ఎన్నికైన పార్లమెంటు సభ్యులు 

లోక్‌సభ పదవీకాలం సభ్యుని పేరు ఎన్నికైన పార్టీ
2వ 1957-62 పి.హన్మంత్ రావు కాంగ్రెస్ పార్టీ
3వ 1962-67 పి.హన్మంత్ రావు కాంగ్రెస్ పార్టీ
4వ 1967-71 సంగం లక్ష్మిబాయి కాంగ్రెస్ పార్టీ
5వ 1971-77 మల్లికార్జున్ తెలంగాణ ప్రజాసమితి
6వ 1977-80 మల్లికార్జున్ కాంగ్రెస్ పార్టీ
7వ 1980-84 ఇందిరా గాంధీ కాంగ్రెస్ పార్టీ
8వ 1984-89 పి.మాణిక్ రెడ్డి తెలుగుదేశం పార్టీ
9వ 1989-91 ఎం.బాగారెడ్డి కాంగ్రెస్ పార్టీ
10వ 1991-96 ఎం.బాగారెడ్డి కాంగ్రెస్ పార్టీ
11వ 1996-98 ఎం.బాగారెడ్డి కాంగ్రెస్ పార్టీ
12వ 1998-99 ఎం.బాగారెడ్డి కాంగ్రెస్ పార్టీ
13వ 1999-04 ఆలె నరేంద్ర భారతీయ జనతాపార్టీ
14వ 2004-09 ఆలె నరేంద్ర తెలంగాణ రాష్ట్ర సమితి
15వ 2009-14 విజయశాంతి తెలంగాణ రాష్ట్ర సమితి
16వ 2014 కె.చంద్రశేఖర్ రావు తెలంగాణ రాష్ట్ర సమితి
ఉప ఎన్నిక 2014- కొత్త ప్రభాకర్ రెడ్డి తెలంగాణ రాష్ట్ర సమితి

2009 ఎన్నికలు
2009 ఎన్నికలలో ఈ నియోజకవర్గం నుంచి మహాకూటమి తరఫున పోటీచేసిన తెరాస అభ్యర్థి విజయశాంతి తన సమీప ప్రత్యర్థి కాంగ్రెస్ పార్టీ అభ్యర్థి చాగళ్ళ నరేంద్రనాథ్ పై 6,077 ఓట్ల మెజారిటీతో విజయం సాధించారు. విజయశాంతికి 388839 ఓట్లు రాగా, నరేంద్రనాథ్‌కు 382762 ఓట్లు లభించాయి. ప్రజారాజ్యం పార్టీ అభ్యర్థి ఖాజాఖయ్యూం 3వ స్థానంలో, భారతీయ జనతా పార్టీ అభ్యర్థి పి.నిరూప్ రెడ్డి 4వస్థానంలో నిలిచారు.

2014 ఎన్నికలు:
2014 ఎన్నికలలో ఈ నియోజకవర్గం నుంచి 15 అభ్యర్థులు నామినేషన్ వేయగా 2 నామినేషన్లు తిరస్కరించబడ్డాయి. తుదిబరిలో 13 అభ్యర్థులు మిగిలారు. తెరాస అధ్యక్షుడు కె.చంద్రశేఖర్ రావు తన సమీప ప్రత్యర్థి, కాంగ్రెస్ పార్టీ అభ్యర్థి శ్రవణ్ కుమార్ రెడ్డీపై 3,97,029 ఓట్ల ఆధిక్యతతో విజయం సాధించారు. కెసిఆర్ శాసనసభ ఎన్నికలలో కూడా విజయం సాధించడం, తెరాసకు తెలంగాణలో మెజారిటి స్థానాలు లభించడంతో తెలంగాణ తొలి ముఖ్యమంత్రిగా బాధ్యతలు చేపట్టి ఈ స్థానానికి రాజీనామా చేశారు. సెప్టెంబరు 13న ఉప ఎన్నిక జరిగింది.

2014 ఉప ఎన్నిక:
కె.చంద్రశేఖర్ రావు రాజీనామా చేయడంతో సెప్టెంబరు 13న ఉప ఎన్నిక జరిగింది. తెరాస తరఫున ప్రభాకర్ రెడ్డి, భాజపా-తెలుగుదేశం పార్టీ ఉమ్మడి అభ్యర్థిగా జగ్గారెడ్డి, కాంగ్రెస్ పార్టీ తరఫున సునీతారెడ్డి పోటీచేశారు. తెరాస అభ్యర్థి కొత్త ప్రభాకర్ రెడ్డి తన సమీప ప్రత్యర్థి, కాంగ్రెస్ పార్టీ అభ్యర్థి సునీతారెడ్డిపై 3,61,286 ఓట్ల భారీ ఆధిక్యతతో విజయం సాధించారు. భాజపా అభ్యర్థి జగ్గారెడ్డికి మూడవ స్థానం లభించింది. మొత్తం 15,43,073 ఓట్లకు గాను 10,46,114 ఓట్లు పోలయ్యాయి. తెరాసకు 5,71,810 ఓట్లు, కాంగ్రెస్ పార్టికి 2,10,524 ఓట్లు, భాజపాకు 1,86,343 ఓట్లు లభించాయి. నోటాకు 10,964 ఓట్లు వచ్చాయి.


విభాగాలు: మెదక్ జిల్లా నియోజకవర్గాలు, మెదక్ లోకసభ నియోజకవర్గం, ఆంధ్రప్రదేశ్ లోకసభ నియోజకవర్గాలు


= = = = =

వ్యాఖ్యలు లేవు:

వ్యాఖ్యను పోస్ట్ చెయ్యండి

Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక