11, డిసెంబర్ 2014, గురువారం

కృష్ణానది (Krishna River)

కృష్ణానది
జన్మస్థానంమహాబలేశ్వర్
ప్రత్యేకతదేశంలో 3వ పెద్దనది
ప్రవహించు రాష్ట్రాల మహారాష్ట్ర, కర్ణాటక, తెలంగాణ, ఆంధ్రప్రదేశ్,
సంగమస్థానంహంసలదీవి
భారతదేశంలో మూడవ పొడవైన నది, దక్షిణ భారతదేశంలో రెండో పొడవైన నది అయిన కృష్ణానది పడమటి కనులలో మహారాష్ట్రలోని మహాబలేశ్వర్ సమీపంలో జన్మించి ఆపై అనేక ఉపనదులను తనలో కలుపుకుంటూ మహారాష్ట్ర, కర్ణాటక, తెలంగాణ మరియు ఆంధ్రప్రదేశ్‌లలో సస్యశ్యామలం చేస్తూ మొత్తం 1,400 కిలోమీటర్లు ప్రయాణం చేసి దివిసీమలోని హంసల దీవి వద్ద బంగాళాఖాతంలో కలుస్తుంది. తుంగభద్ర, భీమా, డిండి, భీమా, మున్నేరు ఈ నది ప్రధాన ఉపనదులు. ఈనదిపై నాగార్జునసాగర్ ప్రాజెక్టు, జూరాల ప్రాజెక్టు, శ్రీశైలం ప్రాజెక్టు, ప్రకాశం బ్యారేజి, అలమట్టి ప్రాజెక్టులు నిర్మించబడ్డాయి.

నదీ ప్రవాహం:
మహారాష్ట్రలోని పడమటి కనుమలలో మహాబలేశ్వర్ సమీపంలో పుట్టిన కృష్ణానది 135 కిలోమీతర్ల దూరం ప్రవహించిన పిదప కొయినా నది కలుస్తుంది. ఆ తరువాత వర్ణ, పంచగంగ, దూధ్‌గంగలు ఈ నదిలో కలుస్తాయి. మహారాష్ట్రలో కృష్ణానది 306 కిలోమీటర్లు ప్రవహించాక బెల్గాం జిల్లా ఐనాపూర్ గ్రామం వద్ద కర్ణాటక రాష్ట్రంలోకి ప్రవేశిస్తుంది. కర్ణాటకలోఘటప్రభ, మాలప్రభ నదులు కృష్ణలో కలుస్తాయి. తెలంగాణ రాష్ట్రంలోకి ప్రవేశించే ముందు భీమ నది కలుస్తుంది. కర్ణాటకలో 482 కిలోమీటర్ల దూరం ప్రవహించి రాయచూర్ జిల్లా దేవర్‌సుగుర్ గ్రామం వద్ద ఆ రాష్ట్రానికి వీడ్కోలు పలికి మహబూబ్‌నగర్ జిల్లా తంగడి వద్ద తెలంగాణ రాష్ట్రంలోకి ప్రవేశిస్తుంది.

మహబూబ్‌నగర్ జిల్లాలో కృష్ణానదిపై
ఉన్న జూరాలా ప్రాజెక్టు
తరువాత ఆలంపూర్ కు దగ్గరలో కృష్ణ యొక్క అతిపెద్ద ఉపనది తుంగభద్ర కలుస్తుంది. ఇదే ప్రాంతంలో ఈ నది ఆంధ్రప్రదేశ్ సరిహద్దును తాకుతుంది. తరువాత కొద్ది దూరంలోనే నది నల్లమల కొండల శ్రేణి లోని లోతైన లోయల లోకి ప్రవేశిస్తుంది. ఇక్కడే శ్రీశైలం, నాగార్జున సాగర్ ల వద్ద పెద్ద ఆనకట్టలు నిర్మించబడ్డాయి. ఇక్కడి నుండి చిన్న చిన్న ఉపనదులైన దిండి, మూసి, పాలేరు, మున్నేరు వంటివి కలుస్తాయి. విజయవాడ వద్ద బ్రిటిషు వారి కాలంలో నిర్మించబడ్డ ప్రకాశం బ్యారేజిని దాటి డెల్టా ప్రాంతంలో ప్రవేశిస్తుంది. విజయవాడ వద్ద ఈ నది 1188 మీటర్ల వెడల్పుతో విశ్వరూపాన్ని ప్రదర్శిస్తుంది. ఆ తరువాత దివిసీమ లోని హంసలదీవి వద్ద బంగాళాఖాతం లో కలుస్తుంది.

కృష్ణానదీ తీరాన ఉన్న పుణ్యక్షేత్రాలు:
కృష్ణానది తీరాన పలు పుణ్యక్షేత్రాలు కలవు. వాటిలో ప్రముఖమైనవి - ద్వాదశ జ్యోతిర్లాంగాలలో ఒకటైన శ్రీశైలం క్షేత్రం, అష్టాదశ శక్తిపీఠమైన ఆలంపూర్ క్షేత్రం, కనకదుర్గ కొలువైన విజయవాడ, అమరావతి, మోపిదేవి ముఖ్యమైనవి.

విభాగాలు: మహబూబ్‌నగర్ జిల్లా నదులు, నల్గొండ జిల్లా నదులు, కర్నూలు జిల్లా నదులు, ప్రకాశం జిల్లా నదులు, గుంటూరు జిల్లా నదులు, కృష్ణా జిల్లా నదులు, మహారాష్ట్ర నదులు, కర్ణాటక నదులు,


 = = = = =


వ్యాఖ్యలు లేవు:

వ్యాఖ్యను పోస్ట్ చెయ్యండి

Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక