18, జులై 2015, శనివారం

గోదావరి నది (Godavari River)

జన్మస్థానంత్రయంబకం
ప్రవహించు రాష్ట్రాలుమహారాష్ట్ర, తెలంగాణ, ఆంధ్రప్రదేశ్,
నది పొడవు1465 కి.మీ.
సముద్రంలో కలియుస్థానంఅంతర్వేది
భారతదేశంలో రెండవ పొడవైన నది అయిన గోదావరి నది మహారాష్ట్రలోని నాసిక్ సమీపంలో త్రయంబకం వద్ద పశ్చిమ కనులలో జన్మించి మహారాష్ట్ర, తెలంగాణ, ఆంధ్రప్రదేశ్ రాష్ట్రాల గుండా ప్రవహించి బంగాళాఖాతంలో సంగమిస్తుంది. 1465 కిలోమీటర్ల పొడవైన గోదావరి నది వెంబడి వందలాది పుణ్యక్షేత్రాలు, చారిత్రక పట్టణాలు ఉన్నాయి. ప్రాణహిత, మంజీరా, ఇంద్రావతి, శబరి, కిన్నెరసాని ఈ నది యొక్క ప్రధాన ఉపనదులు. దేశంలోని 12 పుష్కర నదులలో ఇది ఒకటి. 2015 జూలై 14న గోదావరి నదికి పుష్కరాలు ప్రారంభమయ్యాయి.

నది గమనం:
అరేబియా సముద్రానికి 80 కిలోమీటర్ల దూరంలో నాసిక్ జిల్లా త్రయంబకం వద్ద చిన్న ధారగా జన్మించిన గోదావరి నది తూర్పువైపుగా, ఆ తర్వాత ఆగ్నేయ దిశగా ప్రవహిస్తుంది. నది జన్మస్థానానికి కొంత దూరంలోనే నాసిక్ క్షేత్రం ఉంది. ఇది దేశంలో కుంభమేళ జరుపుకొనే నాలుగు క్షేత్రాలలో ఒకటి. శాతవాహనుల రాజధానిగా పనిచేసిన ప్రతిష్టానపురం (పైథాన్), సిక్కు మతస్థుల పవిత్రక్షేత్రమైన నాందేడ్‌ల గుండా ప్రవహిస్తూ నిజామాబాదు జిల్లా కందకుర్తి వద్ద తెలంగాణ రాష్ట్రాన్ని స్పర్శిస్తుంది. ఆ తర్వాత తెలంగాణ, మహారాష్ట్రల సరిహద్దు గుండా ప్రవహిస్తూ బాసర సమీపంలో పూర్తిగా తెలంగాణలో ప్రవేశిస్తుంది. తెలంగాణలో ఆదిలాబాదు జిల్లా, నిజామాబాదు జిల్లా, కరీంనగర్ జిల్లాల సరిహద్దు గుండా ప్రవహించి కరీంనగర్ జిల్లా కాళేశ్వరం వద్ద మళ్ళీ మహారాష్ట్ర సరిహద్దును తాకుతుంది.కాళేశ్వరం వద్ద గోదావరిలో ప్రాణహిత కూడా కలుస్తుంది. అంతర్వాహినిగా సరస్వతి నది కూడా సంగమించడంతో ఇది త్రివేణీసంగమంగా ప్రఖ్యాతిచెందింది. ఆ తర్వాత మహారాష్ట్ర మరియు కరీంనగర్ జిల్లా సరిహద్దుగా మరియు ఛత్తీస్‌గడ్, కరీంనగర్ జిల్లా సరిహద్దుగా ప్రవహించి మళ్ళీ పూర్తిగా తెలంగాణ రాష్ట్రంలో వరంగల్, ఖమ్మం జిల్లా సరిహద్దులో ప్రవహిస్తుంది. ఖమ్మం జిల్లాలో ప్రముఖ క్షేత్రం భద్రాచలం సమీపం నుంచి ప్రవహించి ఆంధ్రప్రదేశ్ సరిహద్దును తాకుతుంది. ఆ తర్వాత ఉభయ గోదావరి జిల్లాల సరిహద్దు గుండా ప్రవహించి రాజమండ్రి వద్ద డెల్టా ఏర్పరుస్తుంది. అంతర్వేది వద్ద బంగాళాఖాతంలో కలుస్తుంది.

గోదావరి నదిపై ఉన్న
శ్రీరాంసాగర్ ప్రాజెక్టు
గోదావరి నదిపై ఉన్న ప్రాజెక్టులు:
  1. జయక్వాడి ప్రాజెక్టు (పైథాన్ వద్ద),
  2. శ్రీరాంసాగర్ ప్రాజెక్టు (నిజామాబాదు జిల్లా),
  3. ధవళేశ్వరం డ్యాం (రాజమండ్రి వద్ద),


ఇవి కూడా చూడండి:


విభాగాలు: భారతదేశ నదులు, మహారాష్ట్ర నదులు, తెలంగాణ నదులు, ఆంధ్రప్రదేశ్ నదులు, ఆదిలాబాదు జిల్లా నదులు, నిజామాబాదు జిల్లా నదులు, కరీంనగర్ జిల్లా నదులు, వరంగల్ జిల్లా నదులు, ఖమ్మం జిల్లా నదులు, తూర్పు గోదావరి జిల్లా నదులు, పశ్చిమ గొదావరి జిల్లా నదులు,


 = = = = =



Tags: Godavari River in Telugu, About Godavari River in Telugu, Godavari River essay in Telugu, Godavari pushkaralu in telugu,

వ్యాఖ్యలు లేవు:

వ్యాఖ్యను పోస్ట్ చెయ్యండి

Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక