ఖిలాషాపూర్ కోట (Khila Shapur Fort)

ఖిలాషాపూర్ కోట గ్రామం ఖిలాషాపురం జిల్లా జనగామ జిల్లా నిర్మాత సర్వాయి పాపన్న ఖిలాషాపూర్ కోట జనగామ జిల్లా రఘునాథపల్లి మండలంలో ఖిలాషాపురం గ్రామంలో ఉంది. 17వ శతాబ్ది చివరిలో మొఘల్ సేనలను గడగడలాండించి, మూడు చెరువుల నీళ్ళు త్రాగించి, స్థానిక బీదప్రజలకు చేదోడుగా నిలిచిన సర్వాయి పాపన్న ఈ కోటను నిర్మించాడు. ఛత్రపతి శివాజీకి సమకాలీనుడైన పాపన్న శివాజీ వలనే మొఘల్‌లకు ధీటుగా ఎదుర్కొన్నాడు. పాపన్నకు ఎలాంటి వారసత్వ నాయకత్వం కాని, ధనంకాని, అధికారం కాని లేకున్నా ప్రజల కొరకు, ప్రజలచేత ఒక్కో ప్రాంతంపై పట్టు సాధించి పలు కోటలను నిర్మించి తన సామ్రాజ్యాన్ని విస్తరించాడు. అక్టోబరు 15, 2020న భారీ వర్షాలకు కోటలో కొంతభాగం కూలిపోయింది. చరిత్ర: మొఘలులు 1965లో అక్కన్న, మాదన్నలను దారుణంగా చంపివేశారు. 1687లో గోల్కొండ మళ్ళీ మొఘల్ వశమైంది. ఈ స్థితిలో సర్వాయి పాపన్న మొఘల్‌లకు వ్యతిరేకంగా ఉద్యమించాడు. 1680-1710 కాలంలో సర్వాయి పాపన్న మొఘల్ పాలకులకు సింహస్వప్నంగా నిలిచాడు. ఆ కాలంలోనే ఖిలాషాపూర్ కోటను సర్వాయి పాపన్నచే నిర్మించబడింది. పశ్చిమాన పెద్ద ద్వారం ఉన్న ఈ కోటకు నలువైపులా 4 మినార్లు, మధ్యలో గుండ్రటి స్థూపం ఉంది. ఈ కోట నుంచి సొరంగాలు, రహస్య మార్గాలు కూడా ఉన్నాయి. ఈ కోట నుంచే సర్వాయి పాపన్న పాలించినట్లు చరిత్ర తెలుపుతోంది. చివరికి నమ్మక ద్రోహుల వల్ల మొఘల్ సేనలకు చిక్కి ఆత్మహత్య చేసుకున్నాడు.   ఇవి కూడా చూడండి: సర్వాయి పాపన్న,  తెలంగాణ కోటలు,  రఘునాథపల్లి మండలం హోం, విభాగాలు: జనగామ జిల్లా, తెలంగాణ కోటలు, రఘునాథపల్లి మండలం,  = = = = =