సదాశివపేట్ మండలం (Sadashivapet Mandal)

సదాశివపేట్ మండలం జిల్లా సంగారెడ్డి రెవెన్యూ డివిజన్ సంగారెడ్డి అసెంబ్లీ నియోజకవర్గం సంగారెడ్డి లోకసభ నియోజకవర్గం మెదక్ సదాశివపేట్ సంగారెడ్డి జిల్లాకు చెందిన మండలము. మండలంలో ఒక పురపాలక సంఘం, 30 రెవెన్యూ గ్రామాలు కలవు. ఇటీవల పారిశ్రామికంగా అభివృద్ధి చెందుతోంది. పరిశ్రమలు. పూనే-విజయవాడ 65 (9)వ నెంబరు జాతీయ రహదారి మండలం గుండా వెళ్ళుచున్నది. మెదక్ జిల్లాలో ఉండిన ఈ మండలం అక్టోబరు 11, 2016న కొత్తగా ఏర్పడిన సంగారెడ్డి జిల్లాలో భాగమైంది. భౌగోళికం, సరిహద్దులు: సదాశివపేట మండలం సంగారెడ్డి జిల్లాలో దక్షిణం వైపున వికారాబాదు జిల్లా సరిహద్దులో ఉంది. ఈ మండలానికి ఉత్తరానా పుల్కల్ మండలం, తూర్పున సంగారెడ్డి మండలం, దక్షిణాన కొండాపూర్ మండలం, పశ్చిమాన మునిపల్లి మండలం, నైరుతిన వికారాబాదు జిల్లా సరిహద్దులుగా ఉన్నాయి. మండలం మీదుగా 65వ నెంబరు (పాతపేరు 9వ) జాతీయ రహదారి వెళ్ళుచున్నది.   చరిత్ర: ఈ ప్రాంతం నిజాం కాలంలో మెదక్ సుబాలో భాగంగా ఉండేది. సెప్టెంబరు 17, 1948న హైదరాబాదు విమోచనోద్యమంతో భారత యూనియన్‌లో భాగమై హైదరాబాదు రాష్ట్రంలో 1956 వరకు కొనసాగింది. 1956-2014 కాలంలో ఉమ్మడి ఆంధ్రప్రదేశ్‌లో కొనసాగింది. 1969 తెలంగాణ ఉద్యమం సమయంలో సదాశివపేటకు చెందిన విద్యార్థి శంకర్ పోలీసు కాల్పులలో మరణించి తెలంగాణ ఉద్యమంలో తొలి అమరుడుగా అవతరించాడు. 2009-14 కాలంలో కూడా మలిదశ తెలంగాణ ఉద్యమంలోనూ ఈ మండలంలో ఉద్యమం ఉధృతంగా సాగింది. 42 రోజులపాటు సకలజనుల సమ్మె కొనసాగింది. విద్యార్థులు, ఉద్యోగులు, వ్యాపారస్తులు, మహిళలు, న్యాయవాదులు తదితరులతో తెలంగాణ ఉద్యమపోరు హోరెత్తింది. జూన్ 2, 2014న తెలంగాణ ప్రాంతంతో పాటు ఈ మండలం కూడా తెలంగాణ రాష్ట్రంలో భాగంగా మారింది. అక్టోబరు 11, 2016న జిల్లాల పునర్విభజన సమయంలో మెదక్ జిల్లా నుంచి కొత్తగా ఏర్పడిన సంగారెడ్డి జిల్లాలో చేరింది. జనాభా: 2011 లెక్కల ప్రకారం మండల జనాభా 94273. ఇందులో పురుషులు 47745, మహిళలు 46528. అక్షరాస్యుల సంఖ్య 58013. పట్టణ జనాభా 47750, గ్రామీణ జనాభా 46523. రాజకీయాలు: ఈ మండలం సంగారెడ్డి అసెంబ్లీ నియోజకవర్గం, మెదక్ లోకసభ నియోజకవర్గంలో భాగంగా ఉన్నది. సదాశివపేట్ మండలం  కై బ్లాగులో గూగుల్ సెర్చ్ చేయండి మండలంలోని రెవెన్యూ గ్రామాలు: Ankenpally, Aroor, Atmakur, Babilgaon, Chandapur, Enkepally, Etigaddasangam, Ishratabad, Kambalpally, Kolkur, Konapur, Machireddipally, Maddikunta, Malapahad, Melgirpet, Mubarakpur, Nagulpally, Nandi Kandi, Nizampur, Peddapur, Pottipally, Rejinthal, Sadasivpet (M + OG), Siddapur, Suraram, Thangadpally, Veltur, Venkatapur, Yavapur (DP), Yellaram ప్రముఖ గ్రామాలు / పట్టణాలు సదాశివపేట్ (Sadasivpet): సదాశివపేట్ సంగారెడ్డీ జిల్లాకు చెందిన మండలకేంద్రము మరియు పురపాలకసంఘం. ఈ పట్టణం 65వ నెంబరు జాతీయ రహదారిపై ఉంది. పట్టణంలో ఎవరెస్ట్ ఆర్గానిక్ ప్లాంట్ ఉంది. ఎంఆర్‌ఎఫ్ కంపెనీకి చెందిన టైర్లు తయారుచేసే పరిశ్రమ ఉంది. ఇవి కూడా చూడండి: ఫోటో గ్యాలరీ c c c c హోం విభాగాలు: సంగారెడ్డి జిల్లా మండలాలు,  సదాశివపేట్ మండలము, = = = = = సంప్రదించిన పుస్తకాలు, వెబ్‌సైట్లు: Handbook of Statistics, Medak Dist, 2016, Handbook of Census Statistics, Medak District, 2011, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 239 తేది: 11-10-2016  మెదక్ జిల్లా స్వాతంత్ర్యసమరయోధుల చరిత్ర  సంగారెడ్డి జిల్లా అధికారిక వెబ్‌సైట్ (https://sangareddy.telangana.gov.in/te/)

About Sadashivepet or Sadasivapet Mandal Sangareddy Dist (district) Mandal in telugu, Sanga Reddy Dist Mandals in telugu,