గుడిహత్నూర్ మండలం (Gudihatnur Mandal)

గుడిహత్నూర్ మండలం జిల్లా ఆదిలాబాదు జిల్లా రెవెన్యూ డివిజన్ ఆదిలాబాదు అసెంబ్లీ నియోజకవర్గం బోథ్ లోకసభ నియోజకవర్గం ఆదిలాబాదు గుడిహత్నూర్ ఆదిలాబాదు జిల్లాకు చెందిన మండలము. ఈ మండలము 19° 31' 48'' ఉత్తర అక్షాంశం మరియు 78° 31' 00'' తూర్పు రేఖాంశంపై ఉన్నది. మండలం గుండా 44వ నెంబరు జాతీయ రహదారి వెళ్ళుచున్నది. మన్నూరు మరియు మత్నూరు గ్రామ సమీపంలో మధ్యతరహా చెరువులను ప్రాజెక్టులుగా నిర్మిస్తున్నారు. స్వాతంత్ర్య సమరయోధుడు, నిజాం విమోచనోద్యమకారుడైన లక్ష్మణ్ కరడ్ ఈ మండలమునకు చెందినవారు. శాంతాపూర్ వద్ద అటవీప్రాంతంలో చారిత్రాత్మకమైన రామమందిరం ఉంది. మండలంలో 9 ఎంపీటీసి స్థానాలు, 11 గ్రామపంచాయతీలు, 21 రెవెన్యూ గ్రామాలు కలవు. భౌగోళికం, సరిహద్దులు: భౌగోళికంగా ఈ మండలం జిల్లాలో మధ్యలో ఉంది. ఈ మండలానికి ఉత్తరాన మావల మండలం, ఈశాన్యాన ఆదిలాబాదు గ్రామీణ మండలం, తూర్పున ఇంద్రవెల్లి మండలం, దక్షిణాన సిరికొండ మండలం మరియు ఇచ్ఛోడ మండలం, పశ్చిమాన బజార్‌హత్నూర్ మండలం, వాయువ్యాన తలమడుగు మండలం సరిహద్దులుగా ఉన్నాయి. జనాభా: 2001 లెక్కల ప్రకారం మండల జనాభా 25704. ఇందులో పురుషులు 12851, మహిళలు 12853. 2011 లెక్కల ప్రకారం మండల జనాభా 30239. ఇందులో పురుషులు 15138, మహిళలు 15101. రవాణా సౌకర్యాలు: మండలం గుండా 44వ నెంబరు జాతీయ రహదారి వెళ్ళుచున్నది. మండలానికి రైలు సదుపాయము లేదు. సరిహద్దు మండలాలైన ఆదిలాబాదు, తలమడుగు నుంచి రైలుమార్గం వెళ్ళుచున్నది. రాజకీయాలు: ఈ మండలము బోథ్ అసెంబ్లీ నియోజకవర్గం, ఆదిలాబాదు లోకసభ నియోజకవర్గంలో భాగము. ఇచ్ఛోడ మండలమే బోథ్ నియోజకవర్గంలో కీలకంగా ఉంది. గుడిహత్నూర్ మండలం  కై బ్లాగులో గూగుల్ సెర్చ్ చేయండి మండలంలోని రెవెన్యూ గ్రామాలు: ప్రముఖ గ్రామాలు / పట్టణాలు గుడిహత్నూరు (Gudihatnur): గుడిహత్నూరు ఆదిలాబాదు జిల్లాకు చెందిన గ్రామము మరియు మండల కేంద్రము. మండలంలో ఇదే పెద్ద గ్రామము. లింగాపూర్ (Lingapur): లింగాపూర్ ఆదిలాబాదు జిల్లా గుడిహత్నూర్ మండలమునకు చెందిన గ్రామము. ఇది పంచాయతి కేంద్రము. 1995లో లింగాపూర్ పంచాయతీగా ఏర్పడింది. మన్నూరు (Mannur): మన్నూరు ఆదిలాబాదు జిల్లా గుడిహత్నూర్ మండలమునకు చెందిన గ్రామము. మండలంలో ఇది రెండవ పెద్ద గ్రామము. నిజాం వ్యతిరేక ఉద్యమకారుడు లక్ష్మణ్ కరడ్ ఈ గ్రామానికి చెందినవారు. 1921 నవంబరు 23న జన్మించారు. క్విట్ ఇండియా ఉద్యమంలోనూ, నిజాం పోరాటంలోనూ పాల్గొని జైలుకు వెళ్ళారు. మన్నూరు గ్రామ సమీపంలో మధ్యతరహా చెరువును ప్రాజెక్టులుగా నిర్మిస్తున్నారు.. ఇవి కూడా చూడండి: ఆదిలాబాదు జిల్లా, లక్ష్మణ్ కరడ్,   ఫోటో గ్యాలరీ c c c c హోం విభాగాలు: ఆదిలాబాదు జిల్లా మండలాలు,  గుడిహత్నూర్ మండలము, = = = = = సంప్రదించిన పుస్తకాలు, వెబ్‌సైట్లు: Handbook of Statistics, Adilabad Dist, 2012, Handbook of Census Statistics, Adilabad District, 2001, Census of India 2011, Provistional Population Totals, Part 2, Volume 2 of 2011. బ్లాగు రచయిత సందర్శించి తెలుసుకున్న, సేకరించిన సమాచారం, తెలంగాణ రాష్ట్ర ప్రభుత్వ GO Ms No 221 తేది: 11-10-2016  ఆదిలాబాదు జిల్లా స్వాతంత్ర్యసమరయోధుల చరిత్ర, http://adilabad.telangana.gov.in/ (Official Website of Adilabad Dist),

Gudihathnur Mandal, Adilabad Dist (district) Mandal in telugu, Adilabad Dist Mandals in telugu,