రఘువంశ్ ప్రసాద్ సింగ్ (Raghuvansh Prasad Singh)

జననం జూన్ 6, 1946 రంగం రాజకీయాలు పదవులు కేంద్రమంత్రి మరణం సెప్టెంబరు 13, 2020 బీహార్‌కు చెందిన ప్రముఖ రాజకీయ నాయకుడు, కేంద్రమంత్రిగా పనిచేసిన రఘువంశ్ ప్రసాద్ సింగ్ జూన్ 6, 1946న బీహార్‌లోని వైశాలిలో జన్మించారు. ప్రారంభంలో గణిత ఆచార్యునిగా జీవనం ఆరంభించి సంయుక్త సోషలిస్ట్ పార్టీ ద్వారా రాజకీయ ప్రవేశం చేశారు. జయప్రకాష్ నారాయణతో కల్సి సోషలిస్ట్ ఉద్యమంలో పాల్గొని పలుసార్లు జైలుకు వెళ్ళారు. 1977లో తొలిసారిగా బీహార్ విధానసభకు ఎన్నికై అంచెలంచెలుగా ఎదుగుతూ విధానమండలి చైర్మెన్‌గా, రాష్ట్ర మంత్రిగా, కేంద్రమంత్రిగా పదవులు పొందారు. బీహార్‌లోని వైశాలి లోక్‌సభ నియోజకవర్గం నుంచి ఐదుసార్లు విజయం సాధించిన రఘువంశ్ ప్రసాద్ సింగ్ మన్‌మోహన్ సింగ్  యుపిఏ-1 ప్రభుత్వంలో గ్రామీణాభివృద్ధి శాఖ మంత్రిగా ఉంటూ NREGA (జాతీయ గ్రామీణ ఉపాధి హామీ చట్టం) రూపకల్పనకు తోడ్పడ్డారు. 74 సం.ల వయస్సులో సెప్టెంబరు 13, 2020న కొత్తఢిల్లీలో మరణించారు. ఇవి కూడా చూడండి: బీహార్ ప్రముఖులు, వైశాలి (బీహార్), కాలరేఖ 2020,   హోం విభాగాలు: బీహార్ ప్రముఖులు, కేంద్రమంత్రులుగా పనిచేసినవారు, 1946, 2020,  = = = = =