మాధవనేని రఘునందన్ రావు (Madhavaneni Raghunandan Rao)

ఎం. రఘునందన్ రావు జననం మార్చి 23, 1968 రంగం న్యాయవాది, రాజకీయాలు నియోజకవర్గం దుబ్బాక పదవులు ఎమ్మెల్యే న్యాయవాదిగా, రాజకీయ నాయకుడిగా పేరుపొందిన మాధవనేని రఘునందన్ రావు మార్చి 23, 1968న సిద్ధిపేటలో జన్మించారు. ప్రత్యేక తెలంగాణ సిద్ధాంతానికి పూర్తిగా కట్టుబడిన రఘునందన్ రావు ప్రారంభంలో తెలంగాణ రాష్ట్ర సమితి పార్టీలో పనిచేసి ఆ తర్వాత భారతీయ జనతాపార్టీలో చేరి పేరుతెచ్చుకున్నారు. భాజపా అధికార వ్యాఖ్యాతగా కూడా కొనసాగినారు. 2014 మరియు 2018లలో భాజపా తరఫున దుబ్బాక నుంచి పోటీచేసి ఓడిపోయిననూ 2020 ఉప ఎన్నికలో దుబ్బాక నియోజకవర్గం నుంచి విజయం సాధించారు. ప్రారంభ జీవనం: సిద్ధిపేటలో జన్మించిన రఘునందన్ రావు స్థానికంగా డిగ్రీకళాశాలలో బీఎస్సీ పూర్తిచేసి ఉస్మానియా విశ్వవిద్యాలయంలో న్యాయశాస్త్రం అభ్యసిచారు. విద్యాభ్యాసం తర్వాత 1991లో నివాసాన్ని పటాన్‌చెరుకు మార్చినారు. అక్కడే ఐదేళ్ళు ఈనాడు దినపత్రిక న్యూజ్ కంట్రిబ్యూటర్‌గా పనిచేశారు. ఆ తర్వాత హైకోర్టు న్యాయవాదిగా బార్ అసోసియేషన్‌లో పేరు నమోదుచేయించుకున్నారు రాజకీయ ప్రస్థానం: ప్రత్యేక తెలంగాణ ఉద్యమానికి పూర్తిగా విధేయుడైన రఘునందన్ రావు 2001 నుంచి తెరాసలో కొనసాగినారు. ఉమ్మడి మెదక్ జిల్లా తెరాస పొలిట్‌బ్యూరో సభ్యుడిగానూ పనిచేశారు. తర్వాత భాజపాలో చేరి ఆ పార్టీ అధికార వ్యాఖ్యాతగా మారారు. 2014 మరియు 2018లలో భాజపా తరఫున పోటీచేసి సోలిపేట రామలింగారెడ్డి చేతిలో ఓడిపోయారు. సోలిపేట మరణంతో 2020లో జరిగిన దుబ్బాక ఉప ఎన్నికలో ప్రతిష్టాత్మకమైన పోరులో విజయం సాధించారు.   ఇవి కూడా చూడండి: దుబ్బాక అసెంబ్లీ నియోజకవర్గం, పటాన్‌చెరు మండలం, హోం విభాగాలు: సిద్ధిపేట జిల్లా ప్రముఖులు,  = = = = =