పి.మహేందర్ రెడ్డి (P.Mahender Reddy)

జననం సెప్టెంబరు 23, 1963 స్వస్థలం గొల్లూరుగూడ (వికారాబాదు జిల్లా) పదవులు 4 సార్లు ఎమ్మెల్యే, తెలంగాణ రాష్ట్ర మంత్రి, ఎమ్మెల్సీ, భార్య సునీతా రెడ్డి పట్నం మహేందర్ రెడ్డి వికారాబాదు జిల్లాకు చెందిన రాజకీయ నాయకుడు. సెప్టెంబరు 23, 1963న రంగారెడ్డి జిల్లా షాబాద్ మండలం గొల్లూరుగూడలో జన్మించిన మహేందర్ రెడ్డి వెటర్నరీ సైన్సులో డిగ్రీ పూర్తి తొలిసారిగా 1994లో తాండూరు అసెంబ్లీ నియోజకవర్గం నుంచి విజయం సాధించారు. 1999లో కూడా ఇదే స్థానం నుంచి వరుసగా రెండవసారి శాసనసభలో ప్రవేశించారు. 2004లో కాంగ్రెస్ పార్టీకి చెందిన ఎం.నారాయణరావు చేతిలో పరాజయం పొంది, 2009లో మాజీ మంత్రి ఎం.మాణిక్ రావు కుమారుడు ఎం.రమేష్‌పై 13205 ఓట్ల మెజారిటీతో విజయం సాధించి మూడవసారి శాసనసభలో ప్రవేశించారు. ఆ తర్వాత తెరాసలో చేరి 2014 ఎన్నికలలో తెరాస తరఫున తాండూరు నుంచి 4వ సారి విజయం సాధించి తెలంగాణ రాష్ట్ర తొలి మంత్రిమండలిలో స్థానం పొందారు. 2018లో తాండూరు నుంచే పోటీచేసి కాంగ్రెస్ పార్టీకి చెందిన రోహిత్ రెడ్డి చేతిలో ఓడిపోయారు. 2019లో ఎమ్మెల్సీగా విజయం సాధించారు. వ్యక్తిగత జీవితం: మహేందర్ రెడ్డి భార్య సునీత 2001లో బంట్వారం నుంచి జడ్పీటీసిగా ఎన్నికై 2001-06 కాలంలో రంగారెడ్డి జిల్లా పరిషత్తు చైర్‌పర్సన్‌గా పనిచేశారు. సునీత 2014లో యాలాల నుంచి జడ్పీటీసిగా ఎన్నికయ్యారు. 2019లో సునీత కోట్‌పల్లి జడ్పీటీసిగా ఎన్నికై వికారాబాదు జడ్పీ చైర్మెన్ పదవి పొందారు. వీరికి ఒక కుమారుడు, ఒక కుమారై. సోదరుడు పట్నం నరేందర్ రెడ్డి 2018లో కోడంగల్ నియోజకవర్గం నుంచి శాసనసభకు ఎన్నికైనారు. ఇవి కూడా చూడండి: తాండూరు అసెంబ్లీ నియోజకవర్గం, సునీతా మహేందర్ రెడ్డి,  పట్నం నరేందర్ రెడ్డి, హోం విభాగాలు: తెలంగాణ రాజకీయ నాయకులు, వికారాబాదు జిల్లా రాజకీయ నాయకులు, తాండూరు అసెంబ్లీ నియోజకవర్గం, 13వ శాసనసభ సభ్యులు,   = = = = =

Tags: About Patnam Mahender Reddy, Sunitha Mahender Reddy,