జనగామ జిల్లా (Janagoan District)

జనగామ జిల్లా జిల్లా కేంద్రం జనగామ విస్తీర్ణం 2188 Sq km జనాభా 566376 మండలాలు 12 జనగామ జిల్లా తెలంగాణ రాష్ట్రంలోని 33 జిల్లాలలో ఒకటి. అక్టోబరు 11, 2016న ఈ జిల్లా కొత్తగా అవతరించింది. ఈ జిల్లాలో రెండు రెవెన్యూ డివిజన్లు, 12 రెవెన్యూ మండలాలు కలవు. ఈ మండలాలన్నీ పూర్వపు వరంగల్ జిల్లాలోనివి. జిల్లాలో స్టేషన్ ఘన్‌పూర్‌ను కొత్తగా రెవెన్యూ డివిజన్‌గా ఏర్పాటుచేశారు. శివకవి పాల్కురికి సోమనాథుడు, సహజకవిగా పేరుపొందిన బమ్మెర పోతన, సమరయోధులు సర్వాయిపాపన్న, దొడ్డి కొమురయ్య, గంగుల శాయిరెడ్డి, చౌడవరపు విశ్వనాథం, విద్యావేత్త చుక్కారామయ్య, రాజకీయ నాయకులు తాటికొండ రాజయ్య, నిమ్మ రాజిరెడ్డి, పొన్నాల లక్ష్మయ్య ఈ జిల్లాకు చెందిన ప్రముఖులు. చారిత్రక సిద్ధులగుట్ట, సర్వాయికోట, ఇత్తడి కళారూపాలకు పేరుగాంచిన పెంబర్తి, జఫర్‌గఢ్ కోట ఈ జిల్లాలో కలవు. భౌగోళికం, సరిహద్దులు భౌగోళికంగా ఈ జిల్లా రాష్ట్రం మధ్యలో ఉంది. ఈ జిల్లాకు ఉత్తరాన సిద్ధిపేట, కరీంనగర్ జిల్లాలు, తూర్పున వరంగల్ పట్టణ మరియు వరంగల్ గ్రామీణ జిల్లాలు, దక్షిణాన సూర్యాపేట మరియు యాదాద్రి భువనగిరి జిల్లాలు, నైరుతిన యాదాద్రి భువనగిరి జిల్లా, వాయువ్యాన మరియు ఉత్తరాన సిద్ధిపేట జిల్లా సరిహద్దులుగా ఉన్నాయి. రవాణా సౌకర్యాలు సికింద్రాబాదు నుంచి కాజీపేట వెళ్ళు రైలుమార్గం మరియు హైదరాబాదు నుంచి వరంగల్ వెళ్ళు ప్రధానరహదారి జిల్లా గుండా వెళ్ళుచున్నది. జిల్లా ప్రత్యేకతలు తెలంగాణ సాయుధపోరాటంలో అమరుడైన తొలి యోధుడు దొడ్డి కొమురయ్య, తెలంగాణ రాష్ట్ర తొలి ఉపముఖ్యమంత్రిగా పనిచేసిన తాటికొండ రాజయ్య ఈ జిల్లాకు చెందినవారు. ఇవి కూడా చూడండి: జనగామ జిల్లా మండలాలు, జనగామ జిల్లా ప్రముఖులు, హోం, విభాగాలు: తెలంగాణ జిల్లాలు, జనగామ జిల్లా,  = = = = =