22, జనవరి 2013, మంగళవారం

కొందుర్గ్ మండలం (Kondurg Mandal)

జిల్లా రంగారెడ్డి జిల్లా
రెవెన్యూ డివిజన్షాద్‌నగర్
జనాభా54899 (2001)
60550 (2011)
అసెంబ్లీ నియోజకవర్గంషాద్ నగర్
లోకసభ నియోజకవర్గంమహబూబ్‌నగర్
పర్యాటక ప్రాంతాలుజిల్లేడ్
ముఖ్య పంటలుమొక్కజొన్న. వరి
కొందుర్గ్ రంగారెడ్డి జిల్లాకు చెందిన మండలము. ఇది జిల్లాలో ఉత్తరం వైపున రంగారెడ్డి జిల్లా సరిహద్దులో ఉన్నది. ఈ మండలము షాద్‌నగర్ రెవెన్యూ డివిజన్, షాద్ నగర్ అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగంగా ఉన్నది. మండలంలో 39 రెవెన్యూ గ్రామాలు, 29 గ్రామపంచాయతీలున్నాయి. తంగెడపల్లి మంగలి చెరువు మండలంలో పెద్ద చెరువు. షాద్ నగర్-కంది, షాద్ నగర్ -పరిగి రహదారులు మండలం నుంచి వెళ్ళుచున్నవి. ప్రముఖ కవి చెన్నమరాజు కొండలరావు ఈ మండలమునకు చెందినవారు. 2011 లెక్కల ప్రకారం మండల జనాభా 60550.

అక్టోబరు 11, 2016 నాటి జిల్లాల పునర్వ్యవస్థీకరణ సందర్భంగా ఈ మండలం మహబూబ్‌నగర్ జిల్లా నుంచి రంగారెడ్డి జిల్లాలోకి చేరింది.

మండల సరిహద్దులు:
ఈ మండలం రంగారెడ్డి జిల్లాలో పశ్చిమ భాగంలో వికారాబాదు జిల్లా మరియు మహబూబ్‌నగర్ జిల్లాల సరిహద్దులో ఉంది. మండలానికి తూర్పున షాబాద్ మండలం మరియు ఫరూఖ్‌నగర్ మండలం, పశ్చిమాన చౌదరిగూడెం మండలం, దక్షిణాన మహబూబ్‌నగర్ జిల్లా, వాయువ్యాన వికారాబాదు జిల్లా సరిహద్దులుగా ఉన్నాయి.

జనాభా:
2001 లెక్కల ప్రకారం మండల జనాభా 54899. ఇందులో పురుషులు 27793, మహిళలు 27106. 
2011 లెక్కల ప్రకారం మండల జనాభా 60550. ఇందులో పురుషులు 30685, మహిళలు 29865. జనాభాలో ఇది జిల్లాలో 26వ స్థానంలో ఉంది.

రవాణా సౌకర్యాలు:
44వ నెంబరు జాతీయ రహదారిపై ఉన్న షాద్ నగర్ నుంచి హైదరాబాదు-బీజాపూ అంతర్రాష్ట్ర రహదారిని కలిపే షాద్ నగర్-పరిగి రహదారి మరియు రెండు జాతీయరహదారులను కలిపే షాద్ నగర్ -కంది రహదారి  మండలం నుంచి వెళ్ళుచున్నవి.

కొందుర్గు మండల కార్యాలయం
చరిత్ర:
చరిత్రలో కొనదుర్గంగా పిలువబడిన కొందుర్గ్‌ను బాదామి చాళుక్యులు, కాకతీయులు, బహమనీలు, నిజాంలు పాలించారు. కాకతీయుల కాలంలో ఇక్కడ యుద్ధసామాగ్రి తయారుచేసేవారని గ్రామస్థుల కథనం. గ్రామంలో జిల్లేడు సంస్థానానికి చెందిన కోట ముఖద్వారం, కోట బురుజులు ఉన్నాయి.

రాజకీయాలు:
ఈ మండలము షాద్ నగర్ అసెంబ్లీ నియోజకవర్గం, మహబూబ్‌నగర్ లోకసభ నియోజకవర్గంలో భాగంగా ఉన్నది. 2001 జడ్పీటీసి ఎన్నికలలో తెలుగుదేశం పార్టీకి చెందిన సుధాకర్ రావు, 2006 జడ్పీటీసి ఎన్నికలలో తెలుగుదేశం పార్టీకి చెందిన దామోదర్ రెడ్డి విజయం సాధించారు. 2014లో ఎంపీపీగా కాంగ్రెస్ పార్టీకి చెందిన ఎ.గాయత్రి ఎన్నికయ్యారు.


షాద్‌నగర్ నియోజకవర్గంలో
కొందుర్గ్ మండల స్థానం (ఆకాశం రంగు
విద్యాసంస్థలు:
2008-09 నాటికి మండలంలో 51 ప్రాథమిక పాఠశాలలు (అన్నీ మండల పరిషత్తు), 17 ప్రాథమికోన్నత పాఠశాలలు (16 మండల పరిషత్తు, 1 ప్రైవేట్), 8 ఉన్నత పాఠశాలలు (1 ప్రభుత్వ, 6 జడ్పీ, 1 ప్రైవేట్), ఒక ప్రైవేట్ జూనియర్ కళాశాల ఉన్నది.

వ్యవసాయం, నీటిపారుదల:
మండలం మొత్తం విస్తీర్ణం 23313 హెక్టార్లలో 51% భూమి వ్యవసాయ యోగ్యంగా ఉన్నది. మండలంలో పండించే ప్రధాన పంటలు మొక్కజొన్న. వరి. కందులు, జొన్నలు, ప్రత్తి కూడా పండిస్తారు. మండల సాధారణ వర్షపాతం 639 మిమీ. మండలంలో సుమారు 2700 హెక్టార్లకు నీటిపారుదల సౌకర్యం ఉంది.

కొందుర్గ్ మండలంలోని గ్రామపంచాయతీలు
1.అగిర్యాల్11.చిన్న ఎల్కిచెర్ల21.పర్వతాపూర్
2.ఇంద్రానగర్12.చెరుకుపల్లి22.పెద్ద ఎల్కిచెర్ల
3.ఉత్తరాశిపల్లి13.చేగిరెడ్డి ఘన్‌పూర్23.మహాదేవ్ పూర్
4.ఉమిత్యాల14.జాకారం24.ముట్నూరు
5.ఎంకిర్యాల15.జిల్లేడు25.రావిర్యాల
6.ఎదిర (ఎస్)16.టేకులపల్లి26.రేగడి చిల్కమర్రి
7.కొందుర్గ్17.తంగిల్లపల్లి27.విశ్వనాథ్ పూర్
8.గాలిగూడ18.తుంపల్లి28.వీరన్నపేట్
9.గుంజల్ పహాడ్19.తుమ్మలపల్లి29.శ్రీరంగాపూర్
10.గుర్రంపల్లి20.పద్మారం



విభాగము: కొందుర్గ్ మండలంలోని గ్రామాలు
(Portal: Villages in Kondurg Mandal)
  1. అగిర్యాల (Agiryal),
  2. భైరంపల్లి (Bhirampalli),
  3. చలివేంద్రంపల్లి (Chalivendrampalli),
  4. చేగిరెడ్డిఘన్‌పూర్ (Chegireddy Ghanpur),
  5. చెన్నారెడ్డిగూడ (Chennareddiguda),
  6. చెరుకుపల్లి (Cherukupalli),
  7. చిన్న ఎల్కిచెర్ల (Chinnayelkicherla),
  8. చుక్కంపేట (Chukkampet),
  9. ఎదిర (Edira),
  10. గుంజల్‌పహాడ్ (Gunjalapahad),
  11. గుర్రంపల్లి (Gurrampalli),
  12. ఇంద్రానగర్ (Indranagar),
  13. జాకారం (Jakaram),
  14. జిల్లేడ్ (Jilled),
  15. కొందుర్గ్ (Kondurg),
  16. మహాదేవ్‌పూర్ (Mahadevpoor),
  17. మల్కాపహాడ్ (Malkapahad),
  18. ముట్పూర్ (Mutpoor),
  19. పద్మారాం (Padmaram),
  20. పర్వతాపూర్ (Parvathapur),
  21. పెద్ద ఎల్కిచెర్ల (Pedda Yelkicherla),
  22. రావిర్యాల (Raviryal),
  23. రేగడి చిల్కమర్రి (Regadi Chilakamarri),
  24. సోమారంపాడ్ (Somarampad),
  25. శ్రీరంగాపూర్ (Srirangapur),
  26. తంగెళ్ళపల్లి (Tangellapalli),
  27. టేకులపల్లి (Tekulapalli),
  28. తూంపల్లి (Thoompalli),
  29. తుమ్మలపల్లి (Tummalapalli),
  30. ఉమ్మెంత్యాల (Ummenthyal),
  31. ఉత్తరాసిపల్లి (Uttaraspalli),
  32. వనంపల్లి (Vanampalli),
  33. వీరన్నపేట్ (Veerannapet),
  34. వెంకిర్యాల (Venkiryal),
  35. విశ్వనాథ్‌పూర్ (Viswanathpur),



విభాగాలు: రంగారెడ్డి జిల్లా మండలాలు,  కొందుర్గ్ మండలము, షాద్‌నగర్ రెవెన్యూ డివిజన్, షాద్‌నగర్ అసెంబ్లీ నియోజకవర్గం
= = = = =
సంప్రదించిన పుస్తకాలు, వెబ్‌సైట్లు:
  • Handbook of Statistics, Mahabubnagar Dist, 2008,
  • Handbook of Census Statistics, Mahabubnagar Dist, 2001,
  • Census of India 2011, Provistional Population Totals, Part 2, Volume 2 of 2011.
  • మహబూబ్‌నగర్ జిల్లా సర్వస్వము (రచన- బి.ఎన్.శాస్త్రి),
  • పాలమూరు ఆధునిక యుగ కవుల చరిత్ర (రచన- ఆచార్య ఎస్వీ రామారావు),
  • బ్లాగు రచయిత సందర్శించి తెలుసుకున్న, సేకరించిన సమాచారం,


Tags:Kondurg Mandal in Telugu, Rangareddy Dist mandals information in Telugu,

వ్యాఖ్యలు లేవు:

వ్యాఖ్యను పోస్ట్ చెయ్యండి

Index


తెలుగులో విజ్ఞానసర్వస్వము
వ్యక్తులు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, వార్తలు
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలు, రైల్వేస్టేషన్లు, వార్తలు,
సమరయోధులు, రచయితలు, రాజకీయ నాయకులు, జిల్లా విభాగాలు, జిల్లా వ్యాసాలు, మండలాలు, నియోజకవర్గాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, విశ్వవిద్యాలయాలువార్తలు,
సమరయోధులు, రచయితలు, రాజకీయ నాయకులు, అవార్డు గ్రహీతలు, రాష్ట్రాలు, జిల్లాలు, నగరాలు, సందర్శనీయ ప్రదేశాలు, నదులు, ప్రాజెక్టులు, దేవాలయాలు, రాష్ట్రపతులు, ముఖ్యమంత్రులు-గవర్నర్లు, వార్తలు,
ప్రపంచము,
శాస్త్రవేత్తలు, రచయితలు, దేశాధినేతలు, దేశాలు, నగరాలు, సందర్శనీయ ప్రదేశాలు, నదులు, వార్తలు,
క్రీడలు,  
క్రీడాకారులు, టోర్నమెంట్లు, ఆటలు, వార్తలు,
శాస్త్రాలు,  
భూగోళశాస్త్రము, చరిత్ర, పౌరశాస్త్రము, ఆర్థిక శాస్త్రము, భౌతికశాస్త్రము, రసాయనశాస్త్రము, జీవశాస్త్రము, వృక్షశాస్త్రము, మనస్తత్వశాస్త్రము,
ఇతరాలు,  
జనరల్ నాలెడ్జి, ఉద్యోగ సమాచారం, హాస్యం, చరిత్రలో ఈ రోజు,

      విభాగాలు: 
      ------------ 

      stat coun

      విషయసూచిక